Gewilde Bybelverse vanaf Mathew 28

Deel

Manigiu o ine tur mule tur gege tiŋqoro o veve sul nol, we vasvasugroŋo neira ilo sase Mama wa o Natui wa o Vui we Roŋo, we vatvatogo neira si a kokor mora o savasava ŋaŋ na me vareg mok ti mun kamiu apena. Wa ilo, inau amen kamiu valqoŋ valqoŋ gai ge vunvun o marama.

Naŋ i Jesus me mule ma sur neira we vava muneira, we vet wa, Me la nol ma munau o mana avunana wa alo tano.

Naŋ i angel me valui goro, me vava mun o retavine wa, Urapea gogolo, kamurua; ape nau we gilala si kamurua we sike i Jesus neira me woso teterpania ti. Ineia gate iake; ape ni me tavaraka kel, tama ni me vet mona ti. Mule ilo ma o tanoi i Lord me risa aia.

Naŋ i Jesus me vet mun rara wa, Urapea gogogolo; mule gaganag at mun ra tatasik si neira a vanreag i Galilea, wa neira te ilo inau aia.

Wa neira me vug tuwale, tara tamaragai, wa we varsikesike apena, qara la o som we qoqo munra soldier ŋaŋ; we vet wa, Tur vava si, Ira tiŋqoro anana me mule alo qoŋ me wosag palua alo ikamam we matur. Pa si o roro ike qe roro amen i governor, kamam te pesia apena, wa te ge lolo wasawasa kamiu. Naŋ ragai me taur mora o som, wa me ge tama me vareg ti muneira apena. Wa me sororo ma o vavae ilone amaira ta Judea gai qoŋ nake iloke.