Gewilde Bybelverse vanaf N%FAmeros 21

Deel

I Ajwal xub'ij che ma Moisés: Cha'ana jun kumatz pacha i jub'an le xaq kaya an tzam che', man xapachin kch'opix kumal i kumatz, xwi kutaqej an i kumatz chi o tzam che' le, kkam ti uri.

Are uri ma Moisés xu'an jun kumatz re anch'ich' xuya an chutzam jun che', man xapachin kch'opix rumal jun kumatz, xwi kutaqej an i kumatz re anch'ich' chi o tzam che' kkam ti uri.

xkijeqo chi k'ax kech'aw chrij i Dios xaq chrij ma Moisés, xkib'ij i tziji: —¿B'uchak xojiwesaj li yix pa Egipto? ¿Kamsab'al b'ari qe waral pa tz'inilik jyub' chaqij ki'ano? Man nti qaya', nti qawa, kmuluw chik qak'ux chutijawik cha jun chi ti'b'alil.

Are uri i Ajwal xutaq li k'iyal b'enen laj taq kumatz chi kekich'opij aj Israel, rumali je k'i chke xekamik.

Are uri konojel aj Israel xe'e ru' ma Moisés, xkib'ij che: —Yoj oj makunnaq man k'ax xojch'aw chrij i Ajwal xaq chawij yet. Chatz'onoj che i Ajwal chi cheresaj b'i kumatz qu'. Are uri ma Moisés xutz'onoj che i Ajwal chi chukuyu ni kimak aj Israel.