Gewilde Bybelverse vanaf Mateo 12

Deel

Xaq yin kinb'ij chiwe, are kk'un i k'isb'al ij, iwonojel is k-at ni tzij piwi chwach i Dios chrij junpa taq i tzij chi utz taj ib'im. Man rumal wach taq i tzij ab'im, k-at ni tzij pawi, k-iltaj uri we o amak, o we ntaj.”

¡Yix ix rak'al kumatz! ¿Wach nawi ub'ixkil i utz ki'an na? Man lik ix utz ti laj taq winaq. Jun, are kch'awik, wach i kel puchi', puk'ux petnaq wi ni'pa umolom rib' chila.

Jun utz laj winaq, utz i kub'ij man utz o pranima; xaq i jun utz ti laj winaq, utz ti kub'ij, man utz ti o pranima.

“Rumali kinb'ij chiwe, chi'ana kwent mib'ij xaqmanal taq tzij chrij i Lo'laj Utewal i Dios. I winaq kkuytaj ni kimak chke, xaq ni'pa i utz taj chi kkib'ij; xwiri, we kkib'ij utz ti laj taq tzij chrij i Lo'laj Utewal i Dios, ile kkuytaj ti chik chke.

“Jun che', we utz laj che', kuya uwach utz; xaq we utz ti laj che', i uwach xaq utz taj. Jun che' k-iltaj ni che uwach we utz.