Gewilde Bybelverse vanaf Gara Worra Rooma'aa 5

Deel

Garuu nu'u cubbamoota taanee uduu jirru, Kristos bakka keenna du'ee jira. Kun'llee Waaqinni nuu'uuf jaaltichi qabu hagam ol aanaa ta'uu isaa, ni hubachiisa.

Ka nuuf kenname karaa Hafuura Qulqullu'uutiin jaalalli Waaqaa onnee teenna keessatti waan guuteef, abddiin isaa hin saalfachiisu.

Kana qofaan uduu hin ta'in rakkinni obissa akkuma nuuf argamisiisu waan beekinuuf, rakkinna keennaan'llee ufi ni dhaanna. Obissaan'llee qormmaataan dhaabachuu, dhaabachu'uu irra'llee, abddiin ni argama.

Eegaa nu'u qulqullaawoma ka arganne amanti'iin waan ta'eef, Gooftaa keenna Yesus Kristosiin, Waaqaan woliin nagaya ni qabnna. Garana gara amma amanti'iin jabaannee itti argaminnu gara kennaa isaa ka bilisaa kanatti ka aseenne isaan waan ta'eef, abddi'iin qoodamtoota ulfinna Waaqaa ta'uu keennaan, ufi ni dhaanna.

Uduu dadhabiddoota taanee jirru yeroo Waaqinni murtteessetti, Kristos waayee cubbamootaatiif ni du'e.

Ka qulqullaawomnne dhiiga Yesus Kristositiin yoo ta'e, irra caala'atti'llee dheekkamissa Waaqaa jalaa baayu'uuf ka danddeennu, karaa isaatiin.

Waayee ajajamuu dhabuu Addaamiitiin baayi'eewwan cubbamoota akkuma ta'an, akkuma kana waayee ajajamuu Kristositiin'llee baayi'eewwan, ni qulqullaawoma.

Kana qofa'llee uduu hin ta'in Waaqaan woliin araara ka itti arganne karaa Gooftaa keenna Yesus Kristositiin'llee, Waaqaan ufi ni dhadinna.