Gewilde Bybelverse vanaf Génesis 39

Deel

Ñanderuete omoirũgui Josépe hembiapo ojapóva guive osẽ porãmba ha oiko ijára Egiptoygua rógape.

Upéicha Potifar ohejapa oguerekóva guive Jose poguýpe, ha ndojepy’apyvéi mba’eve rehe hembiapotee rehémante. Jose peteĩ karia’y hova ha hete iporãitéva.

Ha omoĩmba avei Jose poguýpe opaite presokuéra oĩva guive pe cárcelpe, ha Jose omoakã opaite mba’e ojejapóva guive upépe.

Ha omoinge ichupe cárcelpe, oĩháme tetã ruvichaguasu presokuéra, ha Jose opyta hendivekuéra. Ñanderuete katu oĩ Jose ndive, ohupityuka ichupe iporiahuvereko, ha pe cárcel ruvicha oñepyrũ ohayhu avei ichupe.

Ha ojehu rire ko’ã mba’e, ijára rembireko oma’ẽ Jose rehe, ha he’i: Ekéna chendive. Ha’e katu ndojaposéi, ha he’i ijára rembirekópe: Eikuaa porãke, che jára ndojepy’apyvéima mba’eve rehe hogapýpe oĩva rehe, ha omoĩmba che pópe opaite mba’e. Ndaipóri tuichavéva chehegui ko ógape, ha mba’eve nomboykéi chehegui, ndéve añoite, nde ha’égui hembireko; mba’éicha piko che ajapóta ko mba’evai tuichaitéva, ha añemboheko vaíta Ñanderuete renondépe.

Ha ojehu peteĩ árape, Jose oikévo ijára rógape ojapo hag̃ua hembiapo, ndaipóri avave upépe. Upémaramo pe kuña ojapyhy Josépe ijaógui, ha he’i ichupe: Eikóna chendive. Ha’e katu oheja ijao ipópe, ha osẽ okañývo hendágui.