Gewilde Bybelverse vanaf Génesis 37

Deel

Ha peteĩ árape Jose omombe’u ityke’yrakuérape umi mba’e ohechava’ekue iképe; ha ko’yteve ndaija’éi hese.

Israel (Jacóbo) ohayhuve katu Josépe ambue ita’yrakuéragui, ha’e onace haguére ichupe ituja riréma; upévare ojapouka ichupe g̃uarã peteĩ póncho ipara porãva ha ijyváva.

Ha ityke’yrakuéra ohechávo itúva ohayhuveha Josépe ichuguikuéragui, ndaija’evéi hikuái hese, ha ndaikatuvéi oñe’ẽ ichupe py’aguapýpe.

Ha ohecha jevy ambue mba’e iképe, ha omombe’u avei ityke’yrakuérape he’ívo: Péina ápe ahecha jevýma ambue mba’e che képe, ha péina ápe pe kuarahy, pe jasy ha 11 jasytata oñakãity che renondépe.

Upévare, ityke’yrakuéra ou ipy’arasy hendive, itúva katu ojepy’amongeta ko’ã mba’e rehe.

Ha he’i ichupekuéra: Pehendu ko che képe ahechava’ekue: Péina ápe jajokua joañaína trígo apesã ñande kokuépe, ha pe apesã che ajokuáva opu’ã ha opyta ñembo’yhápe, ha umi apesã peẽ pejokuáva katu oĩmba joa ijerekue rehe ha oñakãity joa che mba’éva renondépe.

Peju jajuka ichupe ha jaity ichupe peteĩ pózope ha ja’éta: Mymba ñarõ ho’u hague ichupe; ha upéi jahecháta mba’épa oiko ike peguarégui.

Ha og̃uahẽvo umi Madiangua ñemuhára oguenohẽ hikuái Josépe pe pózogui ha ogueru ichupe ome’ẽ hag̃ua umi Ismaelguápe 20 pláta akytã pehẽngue rehe. Ha umía ogueraha Josépe Egípto retãme.

Ha he’i ojupe hikuái: Péina ápe ouhína pe ohecha porãva heta mba’e iképe.

Ha’ekuéra ohechávo ichupe mombyrymi guive, oñemoĩmbáma hikuái peteĩ ñe’ẽme ojuka hag̃ua ichupe.

Ha Ruben he’ive ichupekuéra: Ani peñohẽtei tuguy; peity ichupe ko desiérto pegua pózope, anítei pejuka ichupe; péicha he’i osalvaségui ichupe, ha omondo jevy hag̃uáicha ichupe itúva rendápe.