Gewilde Bybelverse vanaf Éxodo 16

Deel

Ha Israel ñemoñarenguéra he’i ichupekuéra: Romanombanteva’erãmo’ã Ñanderuete po rupi Egípto retãme, upépe roguapy japepo (ólla) iso’óva jerekuévo, ha ro’u ramoguare pan oreryg̃uatã meve; nde katu oreguenohẽ ko desiérto kóvape orejuka hag̃ua ñembyahýi rupi. Ha Ñanderuete he’i Moiséspe: Péina ápe, Che amongýta peẽme pan yvágagui; ha peẽ pesẽta ko’ẽ ko’ẽ rehe pembyaty hag̃ua pe’útava pe árape, che aha’ã hag̃ua ichupekuéra iñe’ẽrendúpa che rembiapoukapýpe térãpa nahániri.

Ha mayma Israel ñemoñare aty oñe’ẽguyguy Moises ha Aaron rehe pe desiérto pévape.

Moises he’i avei: Ñanderuete ome’ẽta peẽme ko ka’arúpe so’o pe’uva’erãva ha pyharevekue pan peneryg̃uatã hag̃ua; Ñanderuete ohendúgui, mba’éichapa peñe’ẽguyguýkuri hese; ha ore piko mba’e mba’e. Pene ñe’ẽguyguy ndaha’éi orerehe, Ñanderuete rehe uvei.

Che ahendúma Israel ñemoñarenguéra ñe’ẽguyguy; eñe’ẽ ichupekuéra, erévo: Ko ka’aru kóvape pe’u joáta so’o, ha pyhareve peñemohyg̃uatãta pángui ha peikuaáta Che, pende Ruete, pende Jaraha.