Gewilde Bybelverse vanaf John 2

Deel

Sa annae ḵingwan Jesus ad Cana we ili'tte probinsiya'd Galilee, sana ummunae nakaskasdaawe sinyale nangipail-ana'tte ḵinaapudyusna. Pune sadi, namati da disipuluna ḵan siya.

Ḵanan Jesus, “Ina, adipun ḵasapuḻane ibagam ḵooḵ. Daampun dumatong orase anuttuwaaḵ atte planun Apudyus.”

Ḵanan Jesus atta antataug atte bayas, “Punuwonyu da annae ammutu si danum.” Pun pinnuda losan dida. Pune sadi ḵanana, “Gumaud ḵayu ta iyoyyu'tte angidaḻan si amung.” Pun nangiyoyda ḵan siya.

Ḵanan Jesus, “Nu dadailonyu annae templo, taḵadoḵ si tuḻun aḻgaw.”

Pun nangwa'ḵ aplitna'tte tali woḵ pinaḻyawna dida'tte lasin ni templo, nidoga da baḵa ḵan da karnero. Iwwaliwalisna pilaḵ da ansusuḵat aḵ pilaḵ woḵ binalittuwaḵna da lamisaanda. Ḵanana bos atta allaḵu'ḵ kalapati, “Ḵaanonyu da sanat si anna! Adiyu ambalinon aḵ lalaḵḵuwan boḻoy Amaḵ!”