Gewilde Bybelverse vanaf Yel-wula 2

Deel

Ɛcɛ, ɩ̃ yere fʋ na: fʋ na bɛ cãà nɔnɛ mɛ̃ mɛ̃ a pɛr-tib daar a.

A na ɩ lɛ a, lɛb tɩɛrɩ a be za fʋ na yi kɛ́ wa lo a! Lɩɛbɩ a fʋ ɩb ɛ́ lɛb de a fʋ dãwdãw ɩ-ɩrɩ. Fʋ̃ʋ bɛ wa lɩɛbɩ a fʋ ɩb a, ɩ̃ waar'ɩ a fʋ zie, ɩ̃ɩ na wa ír'ɩ a fʋ fɩ̃tɩlɛ a ʋ beba zie bɛr.

Ta zɔrɛ a tuo fʋ na na wõ a dɛ̃bɩ̃ɛ ɩ. Nyɛ̃, a Gɛgɛra na ƴãw nɩ nyɩ mɩnɛ gaso pʋɔ k'ʋʋ ɩ nyɩ kaa, ɛ́ nyɩ na nyɛ̃ nɩ kpɩɛrʋ bibie pie. Taa lɛbr pùor ɛ, ɛ́ tɩ ta a fʋ kũu daar, ɩ̃ɩ na kʋ̀ b'ɩ a zɛb-tʋ̃ɔ́fʋ kpawʋɔ na ɩ a nyɔ-vʋʋrʋ a.

Sob nɛ na tɛr tobe a, ʋ bɛrɛ wone a ʋlɩ bom nɛ a Naaŋmɩn Vʋʋrʋ na yere kʋ̀rɛ a Lãw-yie a. Sob nɛ na na zɛb tʋ̃ɔ́ a, ɩ̃ na kʋ̀ ʋ nɩ a nyɔ-vʋʋrʋ tɩɛ wɔmɛ ʋ dɩ, a nyɔ-vʋʋrʋ tɩɛ na àr a Naaŋmɩn zaadɛ̃ pʋɔ a.»

ɩ̃ bãw nɩ a fʋ tome, a balʋ fʋ na bàl fʋ tʋɔra a, nɩ a fʋ kanyir. Ɩ̃ bãwnɩ a na fʋ̃ʋ nɩ a po-to-dem na kʋ̃ tʋ̃ɔ́ taa a. A bɛl na yel kɛ́ bɛ ɩ n nɩ-toni ɛ́ bɛ ɩ nɩ-toni a, fʋ ɩ bɛ na kaa nyɛ̃ bɛ ɩ zir-ŋmarbɛ.

Fʋ tɛr'ɩ kanyir, fʋ wõ n tuo a ɩ̃ ƴãw ɛ́ bɛ bàl tɩɛ bɛr ɛ.

Sob nɛ na tɛr tobe a, ʋ bɛrɛ wone a ʋlɩ bom nɛ a Naaŋmɩn Vʋʋrʋ na yere kʋ̀rɛ a Lãw-yie a. Sob nɛ na na zɛb tʋ̃ɔ́ a, ɩ̃ na kʋ̀ ʋ nɩ mãan-sɔwla. Ɩ̃ mɩ̀ na kʋ̀ ʋ nɩ kʋsɛ-pla, ɛ́ yo-paala sɛb a kʋsɩɛr zu, yo-paala nɩr za na bɛ bãw, a bɛ ɩ a sob nɛ na páw ʋ a ɩ.»