Gewilde Bybelverse vanaf Galasi 6

Deel

Nyɩ ɩ tɩ taa bàlɛ a vla maalʋ ƴãw ɛ, bʋ̃ʋ n'ʋ vɛ̃, tɩmɛ bɛ wa bàl tɩɛ bɛr a, ɛ́ a daar wa ta a, tɩ na cɛ na.

A na ɩ à ŋá vuo cãà be a yaa, nyɩ ɩ tɩ ɩrɛ vla a nɩbɛ za zie, ɛ́ baa zuo a za a bɛl na ɩ a tɩ yɛbr a sàw-deb pʋɔ a zie.

Nyɩ tuore taa tuor, lɛ n'a nyɩ na sàw a Kɩrɩta Wulu.

Nyɩ ta bɛ̀lɛ nyɩ tʋɔra ɩ: Naaŋmɩn bɛ sàwr bɛ ɩrɛ ʋ laar ɛ. Ʋlɩ bom nɛ a nɩsaal na bʋ̀r a, ʋlɛ n'ʋ ʋ na cɛ.

Sob nɛ na bʋ̀rɛ a alɩ bome nɛ a nɩsaalʋ na bɔbr a, ʋ na cɛ n a wɔmɛ a nɩsaalʋ na waar'ɩ a, a pɛr lɛ k'aa kũu. Ɛcɛ sob nɛ na bʋ̀rɛ a alɩ bome nɛ a Vʋʋrʋ Sõw na bɔbr a, ʋ na cɛ n a wɔmɛ a Vʋʋrʋ na waar'ɩ a, a pɛr lɛ k'aa nyɔ-vʋʋrʋ na be kʋralɛ a.

Yɛbr i, alɛ wa ɩ mɛ̃ bɛ nyɔw nɩ nɩr sãwna pʋɔ a, a nyɩɩm na tɛr a Naaŋmɩn Vʋʋrʋ a, nyɩ tɛr ʋ lɛb wa ƴãw a sɔ́r vla pʋɔ, ɛcɛ nyɩ ɩrɛ bɛl bɛl a ʋ zie. Ɛ́ a fʋ̃ʋ mɩ̀ a, gùre fʋ tʋɔra vla: fʋ tɩɛr kɛ́ bɛ mɩ̀ kʋ̃ tʋ̃ɔ́ bɛlɩ fʋ bɩɩ?

Bʋ̃ʋ n'ʋ vɛ̃, nɩr na tɩɛr k'ʋʋ ɩ n nɩr, ɛ́ nɩ̃ɛ bɛ ɩ nɩr a, ʋ bɛlɛ nɩ ʋ tʋɔra. Ŋa za mɩ́ jɩ́r a ʋ ɩb kaa, alɛ wa sɛw k'ʋʋ nyʋʋr a, ʋl ƴãw n'a ʋ na nyʋʋr, a kʋ̃ ɩ ʋ na de ʋ tʋɔra man nɩ nɩr a ƴãw n'a ɩ. Bʋ̃ʋ n'ʋ vɛ̃, ŋa za na mɩ́ tuo nɩ a ʋ mɩŋa tuor.