Gewilde Bybelverse vanaf Mwamulizo 27

Deel

Ale, Mulungu yakupele vye buhe ya ku wulanga, yakupele ne'si yo moso mwinji, no winji wo wuhemba ne divayi. Ne makungugo gakwitumamile, ne wanhu wose wakufugamile. Wuweze mutemi muli wanduguzo, ne wana wo nyina yako nawo wakufugamile. Na muli wose mono kokulijita, nayo yalijitwe, na muli wose mono yakukulugutiza, nayo yalugutizwe!”

Esawu nayo yakamutya u sogwe, “Hee! Kumbe, holeka mbeka ayu yakucemwa Yakobo! Alu wawona, yakondya kusolela vilejeho vyangu kali kejete. Halulongozi yakasolela zo wulongola wangu wo kulelwa, na alu kanyhi yakondya kusolela no wulugutwe wangu.” Ale baho Esawu yakamuwuza kanyhi u sogwe, yakatya, “Alu baba, ane ma, siwumbiciye wulugutizwe wunji nane?”

Baho u sogwe Isaka nayo yakamupitula yakamutya, “U wikalo wako wowa kutali ne'si yono yina moso, Kanyhi kowa kutali ne buhe yose ya ku wulanga. Nagwe kokwikala mumi ko mumaje wako, nagwe komwitumamila u mwanakwenyu, ninga kolo wukwisukula mu miwoko yakwe, ale kowa wewusa mu wutemye wakwe.”

Nayo Esawu yakamulonjela u sogwe, yakatya, “Alu mwene baba, wali wina wulugute wumonga du? Nghukunena dedede 'gwe baba wundugutizaje na nene ye!” Ale, baho Esawu yakangula kanyhi cililo, yakalila muno muno kwe 'zi yiwaha muno.