Gewilde Bybelverse vanaf Epacerero 39

Deel

Yave aari ni Yoseefe ni aamukhavihera weera sootheene simweettele nnenesene ni aakhala vaate wa apwiyaawe ngwExipitu.

Owo aamuhiyera okosoopa Yoseefe sootheene aarinaawe, ni khaapwattharu etthu, ehikhanle yoocaawe. Yoseefe aari mulopwana ooyareya ni oophwaneliwa.

Tivawo mutokweene a mukaliposo aamvaherenraawe Yoseefe waawehaweha anamatthukiwa ootheene, ni itthu sootheene saapakeya mmwe. Yoseefe ti aalamula moota seeraaya sipakeyemo.

Apwiyaawe Yoseefe yaarumiha oroweliwa Yoseefe, enamvonyera mukaliposo yaawaleliwaayamo anamatthukiwa a mwene. Vano Yoseefe aakhala mukaliposo. Vawo Yave aari ni yoowo, amooniheraka oreerawawe murima ni amutatuxaka mutokweene a mukaliposo weera amureereliwe murima Yoseefe.

Eviraka ehuhu ekina, amwaarawe Potifari yaamuhaawelaxa, ni awo yaamveka Yoseefe weera aakoneno. Yoseefe aakhootta, anamweerela mwaaraya apwiyaawe: “Moone, apwiyaaka khaampwattha itthu sa vatthokoni siri ni miyo, mpaka aakinnyerera mmatatanimwaka itthusaya sootheene. Khawowo mutthu mukina a vaate va ookipwaha miyo. Sootheene kinlamula ti miyo woohiyani nyuwo paahi muri amwaaraya. Moota heeni miyo kineeraaka kipake etthweene yeeyo yoonanara kimutthekelaka Muluku?”

Nihuku nimoha, Yoseefe aavolowa mpaani weera avare mutekwaawe, ni khaarimo naari murumeiyi mmoha. Awo yaamvara malayaawe, enamweerela: “Owe okone ni miyo!” Owo aatthawela vaate, aahiyeraka malayaawe mmatatanimwaya.