Gewilde Bybelverse vanaf Rom 1

Deel

Üsap säwäsini ewe Pworausen Manau, pun iei ewe manamanen Kot mi tongeni amanaua chokewe meinisin mi lükü, a akom ngeni ekewe chon Juta, nge mürin pwal ngeni ekewe chon lükün Israel.

Pun ewe Pworausen Manau a pwärätä usun än Kot akot fän iten än aramas repwe küna pwüng me mwan. Ei a fis ren lükülük seni lepoputän tori lesopolan. Usun ewe toropwe mi pin a apasa, “Ewe aramas mi küna pwüng mwen mesen Kot epwe manau ren an lükülük.”

Esap wor eman aramas a tongeni küna Kot. Nge aramas ra tongeni silei usun Kot ren ekewe mettoch i a föri. Pun seni ewe fansoun Kot a föri fanüfan ra fokun tongeni weweiti pwe an manaman a nom tori feilfeilachök, pwe i wesewesen Kot. Iei mine esap wor än aramas künetipingen.

Ikamwo ra silei usun Kot, nge resap asamolu i usun Kot, resap pwal kilisou ngeni. Ar ekiek esap fokun wor lomotan, nge letiper mi wewemang a uren rochopwak.

Ra akasiwili mine a let usun Kot ngeni mine a chofona. Ra fel ngeni mine Kot a föri o angang ngeni, nge resap fel ngeni Kot ewe Chon Föri mettoch meinisin, i ewe sipwe mwareiti tori feilfeilachök! Amen.

Än Kot song a pwä seni läng won tipis meinisin me föföringauen aramas, ra pinei ewe let ren ar föför esepwüng, pwe aramas resap silei.

Pokiten ar föri iei usun, Kot a asechiirelong lon sokun mocheniangau mi fokun asäw. Ekewe mwo fefin, nge ra sorei pwükütän ekewe föför mi öch ngeni inisiir ngeni sokun föför esap öch ngeniir. Pwal ina chök usun ren ekewe mwän, ra likitala föför mi öch lefilen mwän me fefin o ra opucherela ren sokun mocheniangau fengen lefiler. Mwän ra föri sokun föför mi fokun asäw lefiler eman ngeni eman, nge lesopolan ra püsin aworato liwiningau wor ren ar föför mi ngau. Pokiten ekei aramas resap fokun mochen amwöchü lon letiper mine ra silei usun Kot, i a asechiirela lon ngauen letiper, pwe ra föri sokun föför esap pwüng.

Ra apasa pwe ra tipachem, nge ra tiparoch. Akasiwilin ar fel ngeni ewe Kot mi manau feilfeilachök ra fel ngeni uluulun anümwäl mi för lon liosun aramas mi mä, ika liosun mansüsü, manfetal me mantötö.