Gewilde Bybelverse vanaf Pwärätä 12

Deel

Pwiich kewe ra akufu Satan ren chaan ewe Lam, ren ewe kapasen manau ra pwärätä, pwal ren ar mochen fangatä manauer pwe repwe mäla.

Mürin üa rongorong eu möngüngü mi leüömong lon läng a apasa, “Iei a fis än Kot amanaua aramas! Iei Kot a pwärätä an tufich le nemenem. Iei nöün we Messaia a pwärätä an nemenem! Pun ewe chon atipisi pwiich kewe lerän me lepwin mwen mesen Kot a koturutiu seni läng.

Ewe trakon mi watte a koturuwu lükün, ewe serepenitin lom mi iteni Tefil are Satan, a atupu unusen chon fanüfan. A koturutiu won fanüfan, i me nöün kewe chon läng.

Iei mine, en läng kopwe fokun pwapwa, pwal meinisin mi nonom lon läng. Nge feiengau ngeni fanüfan me matau, pun Satan a feitiu remi o a fokun lingeringer pokiten an silei pwe a mochomoch chök an fansoun.”

Mürin a fis maun lon läng. Mikael me nöün kewe chon läng ra fiu ngeni ewe trakon, nge ewe trakon me nöün kewe chon läng ra pwal fiu ngeniir.

Iwe, ewe trakon a fokun lingeringeriti ewe fefin, a feila seni pwe epwe fiu ngeni lusun mwirimwirin kewe, ir chokewe meinisin mi aleasochisi än Kot kewe allük o ra allükülük lon ewe let Jesus a pwärätä.

Mürin eu watten asisil mi monomon a pwä me lon läng. A wor eman fefin mi üföüf ewe akkar o ewe maram a nom fän pechen, nge won möküran a nom epa mwärämwär mi wor engol me ruoföü fü won. Neminei a pwopwo o a arap ngeni an epwe nöünöü. A pupuchör ren an metek pwe epwe nöünöüla.

Mürin ewe fefin a nöünätiu eman ät, i ätewe epwe nemeni mwü meinisin ren efoch wokomächä. Nge eman a angeatä ewe mönükol ren Kot, ewe mi mot won an we lenien motun king. Iwe, ewe fefin a süla lon ewe fanüapö ia a wor ie eu leni Kot a amolätä fän itan. Ikenan epwe tümwün lon ükükün engeröü rüwopükü wone rän.

Pwal eu asisil a pwä me lon läng. A wor eman trakon mi watte o parapar, a wor fisu möküran me engol mächän, nge a wor epa mwärämwär won eu me eu möküran kewe. Ren wükün we a amwökütü eu leülüngatin ekewe fü seni lon läng o atururetiu won fanüfan. Iwe, ewe trakon a üta me mwen ewe fefin, pwe epwe ochei nöün we lon ewe chök otun a nöünätiu.

Nge ewe fefin a angei ruofoch pöükässin eman ikel mi watte, pwe epwe tongeni aea le ässila ngeni lenian we lon fanüapö ia epwe tümwün ie lon ükükün ülüngat esop ier, iei ewe leni ewe serepenit esap tongeni afeiengaua me ie. Mürin ewe trakon a kusufawu me lon awan eu chanpupun koluk mürin ewe fefin, pwe epwe öütela ren. Nge fanüfan a alisi ewe fefin. A amasala awan o otumwu ewe koluk mi towu seni lon awen ewe trakon.