Gewilde Bybelverse vanaf Pwärätä 11

Deel

Mürin ewe afümanün chon läng a ettiki nöün rappwa, iwe, a wor chomong möngüngü mi leüömong lon läng, ra apasa, “Ewe manamanen nemeni fanüfan, iei a nom ren ach Samol me nöün we Messaia. Iwe, epwe nemenem tori feilfeilachök.”

Ekewe chon lükün Israel ra fokun song, pun om lingeringer a war, ewe fansoun ekewe mi mäla repwe küna kapwüng. A war ewe fansoun om kopwe liwiniöchü ngeni noumw kewe chon angang ekewe soufos, me noumw kewe chon pin, pwal chokewe meinisin mi meninituk, ekewe aramas tekia me ekewe aramas kis. A war ewe fansoun om kopwe afeiengaua chokewe mi afeiengaua fanüfan.”

Iwe, üpwe tinala nei kewe ruoman chon pwärätä mi üföüf üf seni tuk, repwe arongafeili än Kot kapas lon ekewe engöröü ruopükü wone rän.”

Nge mürin ülüngat esop rän eu ngasangasen manau seni Kot a tolong lor, iwe, ra ütä o chokewe meinisin mi küneer ra fokun rükö.

A wor ar manaman ar repwe pinei läng pwe esap püngütiu üt lon ükükün ewe fansoun ra arongafeili än Kot kapas. A wor ar manaman won ekewe puächen koluk ar repwe awili ngeni cha. A pwal wor ar manaman ar repwe afeiengaua fanüfan ren sokopaten feiengau fansoun inet chök ra mochen.

Ekei ruoman chon pwärätä, ir ekewe ruofoch irä olif me ekewe ruofoch lenien atittin mi ü mwen ewe Samolun fanüfan. Ika chon oputer ra mochen afeiengauer, ekkei epwe ngetewu seni lon awer o keniirela. Iei usun, ika eman a mochen afeiengauer epwe ninnila.