Gewilde Bybelverse vanaf Keneses 13

Deel

pun unusen ewe fanü ka küna üpwe ngenikemi me mwirimwirum kana pwe oupwe fanüeni tori feilfeilachök.

Mürin än Lot feila seni Apram, ewe Samol mi Lapalap a kapas ngeni Apram, “Kopwe netä seni lon leniom o nengeni efeng me ör, ötiu me lotou

Üpwe achomonga mwirimwirum kana usun pien aroset. Iwe, are eman a tongeni aleani pien aroset, epwe pwal tongeni aleani mwirimwirum.

Mürin, Apram a kapas ngeni Lot, “Esap öch pwe epwe wor aninifengen lefilei me en, pwal lefilen nei chon fofol man me noum, pun en nei.

Iei mine Apram a atomwala imwan imw mangaku o feila. A aüetä imwan lein ekewe irä ook än Mamre lon ewe leni itan Hepron o nonom ikenan. Iwe, ikenan a pwal senätä eu rongen asor fän iten ewe Samol mi Lapalap.

Nge Lot a nenefeil o küna pwe unusen ewe fanü ünüpen ewe chanpupu Jortan a wöün koluk ekis meinisin, usun chök ewe tanipin ewe Samol mi Lapalap, pwal usun chök ewe fanü Isip awenewenen Soar. Iei usun ewe fanü me mwen än ewe Samol mi Lapalap atai Sotom me Komora.