Gewilde Bybelverse vanaf Ekistos 32

Deel

Iwe, lupwen ekewe chon Israel ra küna pwe Moses a mangetiu me won ewe chuk, ra mwichefengen ren Aaron o üreni, “Etto, kopwe föri ngenikem uluulun eman kot epwe akom mwach, pun sisap silei mine a fis ngeni Moses, ewe mwän a emwenikichewu seni lon ewe fanü Isip.”

Mürin, ewe Samol mi Lapalap a kapas ngeni Moses, “Kopwe müttiritiu, pun noum kewe aramas ka emwenirewu seni lon ewe fanü Isip ra föri föför mi ngau. Ra müttir aleasolap ngeni ekewe allük üa ngeniir, ra föri eu uluulun kow seni kolt fän iter, ra fel ngeni, ra pwal asor ngeni o apasa, ‘Iei i om we Kot Israel, ewe mi emwenukowu seni lon ewe fanü Isip.’

Lupwen Aaron a küna ei föför, a senätä eu rongen asor me mwen ewe uluulun kow o arongafeili, “Lesor epwe fis eu chulap fän iten ewe Samol mi Lapalap.” Iwe, ekewe aramas ra pwätä lesosorusich o eäni asoren kek me asoren kinamwe. Nge wesin ar asor ra mottiu pwe repwe momongö o ükün. Mürin ra ütä o urumwotongau.

Sorotän ewe rän Moses a üreni ekewe aramas, “Oua föri eu tipis mi lapalap. Iei üpwe feitä ren ewe Samol mi Lapalap. Eli üpwe tongeni föri angangen amusamusen ämi tipis.”