Gewilde Bybelverse vanaf AROMA 15

Deel

Na rĩrĩ, Ngai mwene kĩĩrĩgĩrĩro giitũ, arotũma mũiyũragwo o kũiyũrũo nĩ gĩkeno o na thayũ tondũ wa ũrĩa mwĩtĩkĩtie, nĩ getha mũkĩragĩrĩrie kũgĩa na kĩĩrĩgĩrĩro nĩ ũndũ wa hinya wa Roho Mũtheru.

Nĩ ũndũ-rĩ, maũndũ mothe marĩa maandĩkirũo tene, maandĩkirũo marĩ ma kwĩruta na ithuĩ, nĩ getha tũtũũre na kĩĩrĩgĩrĩro nĩ ũndũ wa ũrĩa tũhotithagio nĩ Maandĩko macio gũkirĩrĩria, o na ũrĩa tũũmagĩrĩrio nĩmo.

Na rĩrĩ, Ngai, o we ũtũmaga andũ mahote gũkirĩrĩria o na mahotage kũũmĩrĩria, aroetĩkĩra gũtũma mũiguanage o mũndũ na ũrĩa ũngĩ o ta ũrĩa Kristo Jesu aatuonereirie; nĩ getha mũkoragwo mwĩ ngoro o ĩmwe, mũkĩgoocage Ngai na kanua o ro kamwe, o we Ngai wa Mwathani witũ Jesu Kristo, na nowe Ithe.

Tondũ ũcio-rĩ, gĩĩtĩkĩranagei o ta ũrĩa inyuĩ mwetĩkĩrirũo nĩ Kristo, nĩguo Ngai agoocithagio.

Ithuĩ o mũndũ o mũndũ nĩakenagie ũrĩa ũngĩ na ũhoro ũrĩa ũngĩmwagĩrĩra, nĩ getha ongererũo hinya.