Gewilde Bybelverse vanaf THAMA 3

Deel

Nake Ngai akĩĩra Musa atĩrĩ, NIĨ NDŨIRE O TA ŨRĨA NDŨIRE; agĩcoka akiuga atĩrĩ, Ĩra ciana cia Isiraeli ũũ, atĩ ũrĩa wĩtagwo NIĨ NDŨIRE, nĩwe ũndũmĩte kũrĩ inyuĩ.

Nake akĩmwĩra atĩrĩ, Ti-itherũ niĩ mwene nĩndĩrĩgĩaga hamwe nawe; naguo ũndũ ũyũ nĩguo ũgatuĩka kĩmenyithia kũrĩ wee gĩa atĩ nĩ niĩ ngũtũmĩte; atĩrĩrĩ, rĩrĩa ũgakorũo ũrĩkĩtie kuumagaria andũ acio ũkamaruta bũrũri wa Misiri, nĩ gũkũ kĩrĩma-inĩ gĩkĩ mũgatungatĩra Ngai.

Agĩkiuga atĩrĩ, Menya ũkuhĩhĩrie haha; amba ũrute iratũ ciaku magũrũ, nĩ gũkorũo hau ũrũngiĩ nĩ handũ hatheru.

Nake Jehova akiuga atĩrĩ, Ti-itherũ nĩnyonete mĩnyarirĩko ya andũ akwa arĩa marĩ Misiri, na ngaigua kĩrĩro kĩao nĩ ũndũ wa akaburũ akuo, tondũ nĩnjũĩ maruo marĩa marĩ namo; na niĩ ngĩikũrũkĩte nĩguo ndĩmateithũre moko-inĩ ma andũ a Misiri, ndĩmarute bũrũri ũcio, ndĩmahire bũrũri mwega mwariĩ, wa bũthi wa iria na ũũkĩ, na nĩkuo gũtũirũo nĩ kĩruka kĩrĩa gĩa Kanaani, na kĩa Ahiti, na kĩa Amori, na kĩa Perizi, na kĩa Hivi, na kĩa Jebusi.

Nake mũraika wa Jehova akĩmuumĩrĩra arĩ rũrĩrĩmbĩ-inĩ rũa mwaki ruoimaga kĩhinga-inĩ, agĩcũthĩrĩria, na atĩrĩ, kĩhinga kĩu nĩ mwaki kĩraakana, na gĩtingĩhĩa.

Tondũ ũcio, ũka rĩu ngũtũme kũrĩ Firauni nĩ getha ũkoimagarie andũ akwa ciana cia Isiraeli ũmarute bũrũri wa Misiri.