Gewilde Bybelverse vanaf 2 AKORINTHO 5

Deel

Tondũ ũcio-rĩ, mũndũ angĩkorũo arĩ thĩinĩ wa Kristo-rĩ, nĩagarũrũkĩte agatuĩka mũndũ ũngĩ mwerũ: maũndũ marĩa ma tene nĩmathirĩte; nĩ atĩrĩ, nĩmatuĩkĩte mangĩ merũ.

Ngai nĩaatũmire ũcio ũtarĩ hingo aamenyire wĩhia atuĩke o wĩhia arĩ we ithenya riitũ, nĩ getha ithuĩ, nĩ ũndũ wa ũrĩa twĩ thĩinĩ wake, tũtuĩke o ũthingu wa Ngai.

(nĩ gũkorũo mĩthiĩre-inĩ iitũ tũthiaga na ũhoro wa gwĩtĩkia, ti ũhoro wa kuona na maitho).

Namo maũndũ mothe moimaga kũrĩ Ngai, o we watũiguithanirie nake we mwene thĩinĩ wa Kristo, na agĩtũtua ndungata cia gũtungatĩra ũhoro ũcio wa ũiguithanio; nĩguo wa atĩ Ngai aarĩ thĩinĩ wa Kristo, agaikara akĩĩiguithanagĩria kĩrĩndĩ gĩa thĩ nake we mwene, agĩtigaga gũtarĩra andũ mahĩtia mao, na atĩ ũhoro ũcio wa ũiguithanio nĩaũigĩte kũrĩ ithuĩ tũũheanage.

Tondũ wa ũguo, tũkĩrĩ arekio mareketio a kwarĩrĩria Kristo, o ta arĩ Ngai ũrathaithana na tũnua twitũ; twamũthaitha ithenya rĩa Kristo atĩrĩ: ĩtĩkĩrai kũiguithanio na Ngai.

Ningĩ atĩrĩ, aakuire ithenya rĩa andũ othe, nĩ getha arĩa matũũraga muoyo matigacoke gũtũũra nĩ ũndũ wa bata wao ene, no matũũre nĩ ũndũ wa bata wa ũcio wakuire ithenya rĩao, agĩcoka akĩriũka. Hakĩrĩ ũguo-rĩ, kuuma rĩu tũticoka gũtarania ũhoro wa mũndũ na njĩra ya ũmwĩrĩ: o na gwagĩtuĩka kwĩ hingo twataranagia ũhoro wa Kristo na njĩra ya ũmwĩrĩ-rĩ, rĩu tũtigĩte gũtarania ũhoro wake na njĩra ĩo.

Tondũ wendani ũrĩa Kristo atwendete naguo nĩguo ũtũhatagĩrĩria, nĩ ũndũ tuonaga atĩrĩ, atĩ mũndũ ũmwe nĩaakuire ithenya rĩa andũ othe, na tondũ ũcio gũkua nĩmaagĩkuire othe.