Gewilde Bybelverse vanaf Naanearü ügüchiga 39

Deel

Natürü ga Cori ya Tupana rü Yúchemaxã nayexma. Rü yemaca̱x meama nüxü̃ nangupetü ga norü cori ga Potifáchiü̃wa.

Rü yexguma Yúche marü nüxna da̱u̱xgu ga norü yemaxü̃gü, rü nüma ga Potifá rü marü taxuca̱xma naxoegaãxẽ, rü chibüguxicatama narüxĩnü. Rü Yúche rü wüxi ga ngextü̱xücü ga mechametücü nixĩ rü yemaca̱x nangúchaü̃.

Rü yemaca̱x ga nüma ga poxcupataü̃arü ãẽ̱xgacü rü Yúcheme̱xẽwa nanange̱x ga guxü̃ma ga yema poxcuexü̃ nax namaxã inacuáxü̃ca̱x. Rü Yúche nixĩ ga namaxã icuáxü̃ ga guxü̃ma ga puracü ga yéma.

Rü Yúchexü̃ niyaxu. Rü ñu̱xũchi norü duü̃xü̃güxü̃ namu nax ãẽ̱xgacü poxcuexü̃ ga duü̃xü̃gütanügu nayata̱xcuchigü. Natürü woo ga poxcupataü̃wa nax nayexmaxü̃ ga Yúche rü Cori ya Tupana rü naxü̃tawa nayexma, rü nüxü̃ narüngü̃xẽxẽ. Rü nüxü̃́ nanatauxchaxẽxẽ nax yema poxcupataü̃arü ãẽ̱xgacü namaxã taãẽxü̃.

Rü yemaca̱x ga naxma̱x ga Potifá rü düxwa ngĩxü̃́ nangúchaü̃. Rü wüxi ga ngunexü̃gu rü ngĩgürügü nüxü̃: —¡Chomaxã namaxü̃! —ngĩgürügü. Natürü nüma ga Yúche rü ngĩxü̃ naxo. Rü ngĩxü̃ nangãxü̃ rü ñanagürü: —Dücax, chorü cori marü cho̱xme̱xwa nanangexmaxẽxẽ i guxü̃ma i norü ngẽmaxü̃gü nax namaxã ichacuáxü̃ca̱x. Rü ñu̱xma nax choma chanuxmaxü̃, rü taxuca̱xma naxoegaãxẽ i nümax. Rü daa napatawa rü taxúema ya toguxe rü chorü yexera tixĩ. Rü nüma ya chorü cori rü taxuxü̃ma i ta̱xacü choxna nachu̱xu. Rü cuxicatama nixĩ i tama nanaxwa̱xexü̃ nax cuxü̃ chadauxü̃ erü naxma̱x quixĩ i cumax. ¿Rü ngẽmaca̱x ñuxũcürüwa i ta̱xacürü chixexü̃ chaxüxü̃ i nua napatawa ya chorü cori rü Tupanape̱xewa? —ñanagürü.

Natürü wüxi ga ngunexü̃ ga Yúche rü ĩpatagu naxücu nax yéma puracü naxüxü̃ca̱x. Rü yéma aixepewa rü nataxuma ga to ga duü̃xü̃. Rü ngĩma rü naxchiruwa iyachü̱xüxü, rü ngĩgürügü nüxü̃: —¡Chomaxã namaxü̃! —ngĩgürügü. Natürü ga nüma ga Yúche rü inayago, rü ngĩxme̱xwa nayaxü̃ãchi ga naxchiru ga nüxna yapu̱xü̃.