Gewilde Bybelverse vanaf ROMA 1

Deel

Sebab uku temuan keyakinan de kuet lem Bito Baik o, kerno Bito Baik adeba kekuatan Allah de semlamat tiep tun de pecayo, pertamo-tamo tun Yahudi, tapi kulo tun Yunani.

Sebab neak lemne nyato kebenaran Allah, de bertolak kunei imen ngen mipin imen, awei ade tetulis, “Tun benea bakea idup ngen imen.”

Sebab jano de coa keten kunei pado-Ne, adeba kekuatan-Ne de kekal ngen keilahian-Ne, dapet keten ngen pekeran kunei karya-Ne sejok dunio ceniptone, sehinggo tobo'o coa temuan alasan.

Sebab kunyau tobo'o kemnal Allah, tobo'o coa memuliakan Si sebagai Allah atau mucep syukur ngen Si. Sebelekne pekeran tobo'o jijai sio-sio ngen atei tobo'o de bodong jijai kelem.

Sebab tobo'o gemitei kebenaran Allah ngen dusta, mujai ngen nyembeak makhluk ngen coa tinget Penciptane de harus nujai selamo-lamone, amin.

Kunei surgo Allah kemten murko-Ne teadep kute duso ngen kejahatan manusio, sebab kejahatan menghalangi manusio utuk kemnal ajaran benea tetang Allah.

Kerno manusio menea de awei yo, mako Allah munyau tobo'o temurut nafsu tobo'o de hino. Selawei-selawei tobo'o coa lok igai ngen semanei-semanei awei de lazimne pado manusio. Semanei kulo awei'o; tobo'o coa lok igai behubungan ngen selawei tapi ngen sesamo semanei. Semanei menea plep de semelek teadep sesamo semanei, sehinggo tobo'o temimo pembalasan de setimpal ngen plep tobo'o de kidek. Sebab manusio coa meraso perlu kemnal Allah, mako Allah munyau pekeran tobo'o jijai usak, sehinggo tobo'o menea hal-hal de tobo'o coa buliak menea.

Tobo'o menea seolah-olah tobo'o penuak hikmat, tapi tobo'o jijai bodong. Tobo'o gemitei kemuliaan Allah de coa fana ngen gambaran de awei manusio de fana, burung-burung, benatang-benatang de kekea pat atau benatang-benatang merayap.