Gewilde Bybelverse vanaf OMOCHANKO 37

Deel

Yusufu akarota chindoto, na ekero atebetie abamwabo chindoto echio, barabwo bakamenta mono komogecha.

Bono Israeli nigo anchete Yusufu kobua abana baye bande bonsi, ekiagera nigo arenge omwana oye bw’obogotu. Akamoroiseria eanga engiya entambe.

Abamwabo ekero baroche ng’a ise nigo amwanchete ere kobua abamwabo bonsi, barabwo bakamogecha, tibare gokwana amang’ana amaya nere.

Naende akarota okorota konde, na okwo agatebia abamwabo, akabora, “Moigwe! Inche nigo narotete okorota konde. Nkarora erioba, na omotienyi, ne ching’enang’eni ikomi nemo chigotung’ama inse ase obosio bwane.”

Abamwabo bakamobwaterwa ribero, korende ise ere akagacha ogokwana okwo ase enkoro yaye, takweba.

Akabatebia, “Montegerere, moigwe okorota oko narotete. Nkarora ng’a intwe nigo twarenge mogondo tokoboa emesaima y’endagera, na omosaima one okaimoka ogatenena boronge, na emesaima yaino ekaba ekoyoetanana, egotung’ama inse ase omosaima one.”

Bono ntore ne ribaga; tiga tomoite, tomorute ase engoro eyemo ye chingoro chire aa, erio totebe ng’a neng’iti y’orosana yamoriete, na torore chindoto echio chiaye buna chirabe.”

Erio Abamidiani bagaeta aroro, baare gokora oboonchoreria; abamwabo bakarusia Yusufu korwa ase engoro eria, na komooneria Abaisumaeli ase chisekeli chie chifeta emerongo ebere; barabwo bakamoira goika Misiri.

Barabwo bagatebania, “Omonyandoto oyio ogocha.

Barabwo bakamorora ere okare egeka, ritang’ani konya ataraika ang’e asebare, bakagamba buna bamoite.

Naende akabatebia, “Timoitera amanyinga aye; morute ase engoro eyemo y’echi chire aa ase erooro, korende timorambora amaboko aino gochia asare ase okomoita.” Ere nigo abatebetie igo, erinde anyare komotooria korwa ase amaboko abo, amoiranie ase ise.