Gewilde Bybelverse vanaf 2 Korinfianenge 1

Deel

Te javél bahtiakirdó Devél i amaré Ráskire-Devléskiro Dad, Savó déla tangipnýtko (žalosno) iló; Devél, Savó podrikiréla dro saró; Savó podrikiréla amen dre saré amaré piridživipena vaš dová, sob (kaj) ame moginasas te podrikiras odolén, dro savó pharipén jone te na javén, podrikiribnasa, savó ame kokoré doresciam Devléstyr

Pal-dová so, syr ame butýr menčynasape pal Xristosóste, adiáke-pac' ame butýr doresasa podrikiribén Léstyr.

A ame čuindiam pes sýrby ame sam prirakirde ke meribén, sob (kaj) ame te na rozginas pe kokorende, a pe Devléste, Savó otdžidiakirela mulen

Davá isyn Kokoró Devél, Kon čhuvéla zoralypén maškír aménde dro jekhipén Xristosósa i Kon svenciakirela amen, davá isyn Devél, Kon sýrby čhudiá čergenorí (piečat'), so ame sam Léskire, i dyjá Dúho (Fáno) aménge sýrby symadý.

Kóli ame piridživasa, ame piridživasa vaš tumaró podrikiribén i zrakhibén; kóli Devél podrikiréla amen, tedy i ame podrikirasa tumen, kiéli tumé pirilydžana dasavé-pac' mén'ki, savé ame vyrikirasa