Gewilde Bybelverse vanaf Mataio 6

Ke böbun he ka elâm dokhon dökhu, me hwakecin ae wisa; ke adre me he minya ka ham köbun ta je ûnyi e.

Anyin a wale ca ûnykûme ûjengoâ bi ge bong nyi: anyin a hamen bong nyi he ka ûnykûme gan bi. E ûcû thibi bong me anyin monu.

Anyin a wale, inya oge me ha köbun, ka habe, Ca ûnykûme ûjengoâ hnân hobi kâu anyibun möt, wale ge hnobun hna he ka han me ic; ke unyibun, wale ge hnobun hna he ka khavâ. Hawa, e ca beönua möt hon jeû, me unyin hon ûkhaû?

Ke haba u, u ka he âu ka hic, didrut ka hnyi hnyeulem, eiö hnyin uma, ke u ka hia but hlöng hwanuma, hic ju ka Kâmâm hnyi dok ae iyong, ke ame he Kâmâm at ame wâ hnyi dok ae iyong ka bi hwaban köu.

Waleling, mʼ öbun e he ka hic helâng, ka habe, Kamöhmun lö, ethö hnyi drany, E so e kap iâm. E so e o but dokhom dokhu. E so adre me ânyâ wem eang hmeledrany e me ûcû me ethö hnyi drany.

Ham but kohmun hnyi bong ang jeû ae ûcû kohmun.

Thang ut ta je monu gahmun, helâ me hnöhmun hna thang ut ta je monu gadra adre me okongu ohmun.

Ca hum ohmun ka hnyi ûcûbic, ke so bi hûgûnʼ ohmun dut ûnyi hnyi hulö.

Anyin a öbun e ne thang ut ge tavat hnödra je hna hanyâûâ me ame he Kamöbun ethö hnyi drany ka thang hnobun hna hanyâûâ.

Ûnykûme ju omeno ame gâ ethö, adre me ca hnyi belök me menu, me ip jeû hnyi je omhani; kʼ ame ha ö ʼdra Kamöbun ethö hnyi drany. Hawa, öbun ca ûnyi hnathu hudrin?

Ca ip hobi köbun tang omjeû eang hmeledrany, ae hu nokon walelaba me viiny he ka ohia, wale dok ae hu at venöu hnyin adre me he ka kia me venâu: ke so bi ip ju hobi köbun tang omjeû ethö hnyi drany, dok ae ba nokon walelaba me viiny he ka an, ke ba minya at venöu ame he ka kia me venâu: anyin a haba dok ame mokut hnyin tang omjehem, me ame he ka e bi minya hnyekom.

E ba at ae khana be ka athnyabainy li tuhan a lo: anyin a e ame he ka hûkötiâ khaca me weny khaca; kʼ ame ne be ka kece ka khaca me hociâ khaca. E ca khanʼ öbun he ka bi athnyabainy Khong me mamona.

Ke a ne khavâ Khong hnyot helâe a e hnyi bong ang, ke nyi adre me he ka khûâ but ka hnyi wahnainyâ, hawa, e ca ûnyi hnathu kâu he ka khaûʼ öbun, öbun hnyat a labageju ûhnyûkong?

Ke u ka he bi ka ham ânyâm betenge, e so e ca he hnyamâm a mem ka wâ ûnyi ame mâdrâ hnyamâm a metâm: me me iyong hnâm hna ham betenge: me haba Kâmâm at ame wâ hnyi dok ae iyong ame he ka bi hwaban köu.

WÂ eâu, ke ca he ka ânyâ hwakecibun ae wisa hnyi hnyimakan tavat hnân bi wânödra: wâ e nye ba but hwaböbun ûnyi ge Kamöbun ethö hnyi drany.

Ke haba khaca, öbun ka he ka ânyâ ca han, ca helâ bi me man tavat thoi hnyok ae hmak hnyimakodra: anyin adre me okongoâ je hnyimakodra me me manen dut ka tavat a adre me ca han. E hnathu inya oge me ba köbun, ka habe, Adre hia but kap hwabödra. Ke haba u, u ka he ka ânyâ ca han, hneû but bâm, ke ânyâwia hnyimâkâm; me me ca manen ka at a u me ca han, ke so bi ka Kâmâm hnyi dok ae iyong: me ame be Kâmâm, at ame wâ hnyi dok ae iyong, ka bi hwaban köu.