Gewilde Bybelverse vanaf Matiyo 19

Tẹ Jizọsị da-da in ḍiki tẹ pakịrịm, “Miemẹ tomi ḅụụ anị inetẹ mịẹ ḅịa ḅara sime wararị; Tamụnọ ḅụụ kụma, ye goyegoye inetẹ mịẹ ḅa.”

Mie ḅụ ini ḅarị maa apụ-a, kụma gbọrụḅọọ. Ọkọẹrẹsị Tamụnọ kpọọ gboloma tẹ apụ ma tomḅọ in puama.”

Kẹ ịn pakịrị ḅụ Jizọsị nwẹnị gbela, “Fịafịa Ḍiri mẹ ḍuko ye ó go-a, mịnẹ ye sukuyọ-saakị ḅụ tomi ma Tẹmẹḅọ ḅe, owi na ịyọrọ na mie ọ̀ tẹmẹ ye ḅara? Tẹ Tamụnọ ḅẹẹm, ‘Miemẹ ẹrẹsị owiḅọ ḅe amịna ḍaḅọ na, iyingiḅọ na koroma so tẹ mu amịna taḅọ na oḅoloma ḅa, tẹ ini maa apụ ma gberie mịẹ ḅa.’

Tẹ Jizọsị nwẹnị ḅẹẹ, “Yee awọmẹ ma ị̀ ḍọkụma-ḅo, ọmịnị in kiki ma, kẹ gotẹ ọkọ ḅẹẹarị, Tamụnọ Ama-da mẹ anị sime in sime-ḅara ḅẹ atomi pịrịm.”

Kụma tọnwa-apụ tẹ mịọkụ tarị apụ ma ḅo kunoma apụ sọ ḅa, tẹ tọnwa-apụ tẹ mịọkụ kunoma apụ ma ḅo tarị apụ sọ ḅa.

Tẹ ḅẹḅọ-ḅẹḅọ tẹ amịna awarị, anịanịa owiapụ-amịnapụ, anịanịa eremịna amịnapụ, anịanịa ḍaḅọ, anịanịa iyingiḅọ, anịanịa awọ, anịanịa amịna akiri wẹrịso tẹ ì ḍukamẹnjịḅọ, arịḅẹ kiri sọnọa si nẹngị ye nyana ḅa, tẹ Tamụnọ pịkị sime gbamaso ḍumo kẹ mḅọ pịrị ḅa.

Jizọsị nwẹnị ọ̀ ḅẹẹ, “Ị́ kara-gbasị ḅẹ ḅiiarị ḅẹḅẹ, ị́ nyana aị mamgba dẹrị tẹ igbigi mẹ kẹ igoin-apụ ma pịrịị, anịsakị í So-ḅio ngọ nyana ḅa; anịtẹso ḅo tẹ ì ḍukamẹnjịị.”

Jizọsị nwẹnị pakịrị, “Í tiegotẹ iḅiye gbolomaye kẹ ì gbelarị? Gbọrụḅọ ngẹrị anie Iḅi-ḅọọ. Oloko mẹ tọn koroma aị ma mịẹ, í ḍumo ḅio sọ ḅẹ-ḅiiarị ḅẹḅẹ.”

À pịkị ḍukoarị mịnẹ ngọ-kọnḅọ ḅo Tamụnọ Ama-da suku-ḅio simearị tomḅọ sọ mẹ, ḅụụ-fụkama ike-sụa-nama laga tọrụngbọ ḅụ tolu-ḅọrọ nẹngịm.”

Ọkọ ẹrẹsị, à ḍuko ọ́ pịrịarị, mịnẹ owiḅọ tẹ amịna taḅọ siya ḅọ, siya ḅọ, á jen owiḅọ na kọn na-iḅi-a mẹnjị kọn sikima, mḅọ jen ẹrẹḅọ sime-sime, mḅọ sẹfị tẹ.”

Anịtẹso Jizọsị nwẹnị ò ḍukamẹnjịapụ ma ḅẹẹ, “À mịẹtẹ ó nimiarị mịnẹ ngọ-kọn apụ ḅo Tamụnọ Ama-da suku-ḅio simearị atomi sọ mẹ ḅụụ-fụkama ḅara ḅakam.