Gewilde Bybelverse vanaf AMatiyu 28

Deel

Nek anɔng, tseng yin, tsi tsɛt yin bafi imɛɛs ayɛt ícɛ́n azatse ngma kusum, ka ba ras yin abatisma ayɛt iyerek Ada, nɛ Arim e, nɛ Kabik aJɛrɛ, ka ba tees yin na ba nye ngma ikyɛng fi in ki tak yin. Rēn yin fok, imi se gung ni iyin kaakyi izen, sak igang azatse.”

Wat aYeso bang serek bakat ni iba, a fɛ̀ ni iba, “Ba mi di nɔk ngma ice azanɛn nɛ kazatse.

Atomaza me, fɛ̀ na banyining e, “I bi fok yin nnyim awo, nek imi rēn fok i tsin tsɛt yin aYeso, ayɔng fɛ́ ba kin ku tegak. A se azeng awo, ba mi ku donong, kpaf tɛ fɛ́ a kin ki tak yin. Bɛ́ da di yin karɔ fɛ́ ba kin ku mes mo.

AYeso fɛ̀ ni iba, “I bi fok yin nnyim awo, tsi tak yin baruneng na ba tseng sak na aGalili, ba da tsɛ ba di di azɔng.”

Fɛ́ ba fok anɔng, bagbat áware nɛ bashɔn iwɔp, wat ba yes kazumung, ba tɔ ikyɛng inye, ba nɔɔk batsom e itsɔm dot, ba fɛ̀ ni iba, “Ikyɛng de fi iyin da fɛ̀ yin, ‘Bafi imɛɛs wu bɛ́ natuk, ba yi kukom wu, iyit ni nda.’ Ki ifɛ̀ me nɔ ni ito agwɔmna, iyit rēn yit ikyɛng fi in da ku tak yit, vit inɛn fi i da ki sɛ yin.” Wat batsom e shan itsɔm e, ba nye kpaf tɛ ba di fɛ̀ ni iba. Ba rēn shara ifɛ̀ me deng nate baYahuda sak atut.