Gewilde Bybelverse vanaf KUHALAWA 7

Deel

MNDEWA kamulongela Musa, “Lola, nikutenda gweye uwe kamba Mulungu hameso ga Falao, na mkulu wako Haloni kowa muhokozi wako.

Ila nie noutenda moyo wa Falao kuwa mdala, na nokongeza mizonza na mikanganyo yangu muisi ya Misili, hata avo Falao hawategeleza. Abaho nowasuna wanhu wa Misili na kuwalava Waislaeli, wanhu zangu, hanze ya isi ya Misili, mtala kwa mtala, nowalava na sang'hano ng'hulu za nhaguso yondaiwe muisi ya Misili.

Wamisili wovitanga kamba nie iyo MNDEWA, ahaja vondaniugolose mkono wangu muisi ya Misili na kuwalava Waislaeli hanze ya isi ija.”

Abaho Falao kawakema wanhu wali na nzewele na wahawi. Na wahawi wano watenda kamba viyatendile heyo kubitila uhawi wao. Kila munhu kaibwanha hasi fimbo yake, na zija izifimbo zigaluka nyoka, ila nyoka wa Haloni kawameza nyoka wose wa iwahawi.

Avo, vino vivo MNDEWA viyanongele, “Mkutenda vino, gweye kovitanga kamba nie iyo MNDEWA.” Lola, nogalanha mazi ga Lwanda lwa Naili na fimbo ili mumkono wangu, na gogaluka mulopa.

“Falao yahawalongela, ‘Tendeni mzonza,’ mulongele Haloni, ‘Sola fimbo yako uibwanhe hasi haulongozi wa Falao,’ na yogaluka nyoka.” Avo Musa na Haloni wachola ha Falao na kutenda vija MNDEWA viyawalagize. Haloni kaibwanha hasi fimbo yake haulongozi wa Falao na salange zake, na ifimbo igaluka nyoka.