Gewilde Bybelverse vanaf Ohutula 16

Deel

nibababoolera bati, “Hubaasa huti, syahabeere esilai, Omwaami aba niyatwiitira mu Misiri. Eyo, hwali nihunyala ohwiihalaho aasi hwaalya enyama, haandi neende ebyohulya biindi biingi koti lu hudaha. Nae eng'we mwatutusa omwo, mani mwaatuleeta mu siparara sino, ohutuwoongyaanga sa enjala fweesi hwoole ohufwa.” Omwaami nae yaboolera Musa ati, “Bulaanu, njia ohubaholera mweesi, ebyohulya bibamala, bitule muukulu nibikwa hu syaalo koti efula. Abaandu bahoyere ohutulaanga erwaanyi buli ludaalo, nibadoola ebibamala hu ludaalo olwo. Mu ngeri yino, mba njia ohubateema nyale ohufuumbula nibanyala ohuloondakana neende amakerako kaange.

Nae nibali eyomu siparara esyo, bekanyiirisira Musa neende Arooni

Haandi Musa yaboola ati, “Omwaami niye ochia ohubabeechaanga enyama ch'ohulya engoloobe, neende emigaati kibamala echuli, olwohuba awuliire koti lu mumwekanyiirisire muno. Nimwali nimutwekanyiirisa, mubwadyeeri bweene mwali nimwekanyiirisa Omwaami.”

“Ese mbuliire amaliro k'Abaisiraeli. Chia obaboolere oti, engoloobe, bachia ohunyolaanga enyama y'ohulya, nae echuli-chuli, bachia ohunyolaanga emigaati kyoosi ki baba nibadaha. Ao niwo yibahamanyire bati ese, Omwaami, Niise Nasaae waabwe.”