Gewilde Bybelverse vanaf ธ้วด อี​ยิบ 7

Deel

เฒี้ยว ก๊อง บั๋ว โม​เซ, “หมั่ง ม่าะ! เยีย อ๋อย ปุน เม่ย ตอง เจี๊ยน ฟา​โล เญย หฑะเฮมียน โหฒว ฮนั้ง ทิน-ฮู่ง. เม่ย เญย ก๋อ, อา​โลน, หย่า อ๋อย หฒุ โหฒว เม่ย เญย โต่ว หว่า เมี่ยน.

มป่า เยีย อ๋อย ปุน ฟา​โล เญย เฮญี้ยว แหง่ง. ไม้ กุ๊น เยีย เยียม อี​ยิบ เต่ย-ปูง โหฒว บัวะ เหฒีย หฑุ่น บัวะ ฮ่อง ไห่ เญย สี่ เหธา จั๋ง-โห่, นิ่น หย่า ไม้ หมวัง เม่ย บัว. เยีย ฯฒฯ ซูง เยีย เญย ปั์ว เจี์ย ต้าย เฮนี้ยๆ เญย ตี่ง อี​ยิบ เมี่ยน เญย ฒุ์ย, หย่า ต้อ กวั้นๆ เยีย เญย ฝีงๆ อิ​สะ​ลา​เอน เมี่ยน ธ้วด ต้าย.

เยีย ซูง ปั์ว ตี่ง อี​ยิบ เมี่ยน เญย ฒุ์ย หย่า ต้อ อิ​สะ​ลา​เอน เมี่ยน เยียม นิ่น บัว บุด๋ง ธ้วด ต้าย วั้ว หฒั่น, อี​ยิบ เมี่ยน ฯฒฯ ฮิ้ว ตุ๊ เยีย เซ เฒี้ยว. ”

ฟา​โล ฯฒฯ เห่ว นิ่น เญย ไกว-เก๊าะ ฟิน-แซง เหธา โหฒว หฮวา-ญิ์น เญย เมี่ยน ต้าย. น้าย เต๋ย โหฒว ฟ้าด เญย อี​ยิบ เมี่ยน หย่า หล่ง นิ่น บัว เญย ฟ้าด ฟี่ ฮนั้ง เญย โหฒว. เก๊าะ-เมี่ยน เฒาะ เก๊าะ-เมี่ยน เญย ปย๊า-บย่า แกว๋ง เหฌี่ย เดา, ปย๊า-บย่า หย่า เป๋น นาง อ๊ะ. มป่า อา​โลน เญย ปย๊า-บย่า นะ เหฑ่ง นิ่น บัว เญย หมี่ อ๊ะ.

เฒี้ยว ฮนั้ง น้าย นอ ก๊อง, “เม่ย หมั่ง เยีย โหฒว เญย สี่ ฯฒฯ เฒียะ ตุ๊ เยีย ต้ง หาย เต้า อ๊ะ. หมั่ง โอ่. เยีย หล่ง เยีย เญย ปย๊า-บย่า เบ๊าะ ด้าย, ด้าย ฯฒฯ เป๋น ฑย้าม อ๊ะ.

“ฟา​โล หาย หฒั่น ก๊อง, ‘โหฒว บัวะ ฮ่อง เญย สี่ ปุน ธีง เม่ย บัว โหฒว เญย เจ๊า ม่าะ!’ อ๋อย หฒุ บั๋ว อา​โลน, ‘เฒาะ เม่ย เญย ปย๊า-บย่า แกว๋ง เหฌี่ย ฟา​โล เญย หฑะเฮมียน.’ ปย๊า-บย่า ฯฒฯ เป๋น ติ้ว นาง หมี่ อ๊ะ.” โม​เซ เหธา อา​โลน ฯฒฯ มี่ง ฟา​โล ฮู่ง วั้ว, เอย เจี๊ยน เฒี้ยว ก๊อง เญย หว่า โหฒว. อา​โลน เฒาะ นิ่น เญย ปย๊า-บย่า แกว๋ง เหฌี่ย ฮู่ง เตี๋ย เหธา นิ่น เญย เจียน เญย หฑะเฮมียน. ปย๊า-บย่า ฯฒฯ เป๋น ติ้ว นาง หมี่ อ๊ะ.