Gewilde Bybelverse vanaf ธ้วด อี​ยิบ 2

Deel

ทิน-ฮู่ง ไฮ์ นิ่น บัว ฌุ่น หย่า จั๋ง หฒุ นิ่น เหธา อับ​ลา​ฮัม, อี​สัก เหธา ยา​โค้บ แล์ง เจี๋ย เญย แหง่ง หว่า. ทิน-ฮู่ง หมั่ง อิ​สะ​ลา​เอน เมี่ยน, ฮิ้ว ตุ๊ นิ่น บัว เญย โค้ว-ฒี่ง หย่า ค้อ-เลี่ยน เญย.

เจี๋ย ลิ์ว ธั้ม-หฮญัง, อี​ยิบ เต่ย-ปูง เญย ฮู่ง เตี๋ย เกวย เสย หมี่ อ๊ะ. วั้ว เต๋ย อิ​สะ​ลา​เอน เมี่ยน เฑ่า ไห่, ฌุ่น เจี๊ยน เยียม, หลาย นิ่น บัว หฒุ โหฒว โน่ว โค้ว ไห่. นิ่น บัว เญี้ยม เจี๊ยน เห่ว ทิน-ฮู่ง เถง นิ่น บัว. ทิน-ฮู่ง หย่า ไฮ์ หมี่ อ๊ะ.

กู้งว์า เญย มา ฯฒฯ ฮล้อบ กู้งว์า มี่ง ต้อ. กู้งว์า โฮล เต๋ย, นิ่น เญย มา ฝูง มี่ง ปุน ฮู่ง เซียะ ฯฒฯ เป๋น ฮู่ง เซียะ เญย ตอน หมี่ อ๊ะ. ฮู่ง เซียะ เถง น้าย เต้า ตอน ธ้วด บั๋ว เห่ว โม​เซ. ฮู่ง เซียะ ก๊อง, “เหว่ย หฒุ เยีย เยียม ววม เฒาะ นิ่น ธ้วด ต้าย.”

ฟา​โล ฮู่ง เญย เซียะ ก๊อง บั๋ว กู้งว์า เญย มา, “เถง เยีย ต้อ น้าย เต้า กู้งว์า โอ่. เยีย ปุน กง-ฒิ่น เม่ย เญย.”

ฟา​โล ฮู่ง เญย เซียะ มี่ง วั้ว ไน​อา ด้าย หฑาว ซิน. เบี์ยน นิ่น วั้ว เต๋ย มเซียะ โปว เยียม วั้ว ด้าย เฮลน ซาว อะหฑย่าว. ฮู่ง เซียะ ปวัด วั้ว นอม ดาน เยียม วั้ว หลัวะ ติ หล่ม ฯฒฯ เห่ว นิ่น เญย โน่ว เป์ย มี่ง เฒาะ ต้าย.

โม​เซ โฮล ต้าย อ๊ะ. ม่าย ฮนอย นอ, นิ่น ธ้วด มี่ง หมั่ง เหธา นิ่น จวั่ง ฝีง เญย เมี่ยน, ปวัด นิ่น บัว หฒุ เมี่ยน ห่อย โหฒว กง โค้ว ไห่. นิ่น ปวัด เต้า อี​ยิบ เมี่ยน เบ๊าะ เต้า ฮิบ​ลู เมี่ยน, ต้ง เหธา นิ่น จวั่ง ฝีง เญย เมี่ยน. โม​เซ ฯฒฯ หมั่ง น้าย หมั่ง วั้ว, ปวัด ไม้ ม่าย เมี่ยน. นิ่น ฯฒฯ เฒาะ วั้ว เต้า อี​ยิบ เมี่ยน ไต๋ ไต่ ปย๊บ เจี๊ยน ซา-เฒียว ดุย ปี๋ง เจี๊ยน.