Gewilde Bybelverse vanaf 2 โค​ลิน​โท 5

Deel

หาย เต้า เหธา กี​ตู่ จวั่ง แหม่ง เฒี่ยง, วั้ว เต้า เป๋น เซียง-เหฒย ต้าย เญย เมี่ยน. โล์ เญย หญู่งๆ เจี๋ย เหฑ่ง, เหยียด ฒู้ง เป๋น เซียง เญย ต้าย อ๊ะ.

กี​ตู่ ไม้ ม่าย ฒุ์ย มป่า เหว่ย บัว, ทิน-ฮู่ง โหฒว ปุน นิ่น ฮนั้ง นิ่น เป๋น ฒุ์ย-เมี่ยน, ปุน บัว เหธา นิ่น จวั่ง แหม่ง เฒี่ยง ฯฒฯ ตุ๊ เหธา ทิน-ฮู่ง หอบ เฮญี้ยว.

บัว เยียม น้าย เสย หฒั่ง เขา เสียน ฟิม, ไม้ เฒ์ย เขา บัว หมั่ง ตุ๊ ปวัด เญย.

น้าย เหยียด ฒู้ง เซ ทิน-ฮู่ง โหฒว ต้าย. ทิน-ฮู่ง หล่ง กี​ตู่ ปุน บัว เหธา นิ่น หอบ เฮญี้ยว หย่า พ้าย เยีย บัว ขวิน เมี่ยน ต้าย เหธา นิ่น หอบ เฮญี้ยว. เยีย บัว ฒุ่น เญย เซ ทิน-ฮู่ง หล่ง กี​ตู่ ปุน หม่าน เมี่ยน เหธา นิ่น หอบ เฮญี้ยว, หย่า กวั่ง, ไม้ ฝุน เมี่ยน เญย ฒุ์ย. นิ่น แอ๋ง พ้าย เยีย บัว มี่ง ฒุ่น บั๋ว เมี่ยน ฮนั้ง หาย นอ ไฮ่ ตุ๊ เหธา ทิน-ฮู่ง หอบ เฮญี้ยว.

ฮนั้ง หน่าย, เยีย บัว โหฒว กี​ตู่ เญย โต่ว เฝียน เมี่ยน ฯฒฯ ฮนั้ง ทิน-ฮู่ง กั้น หล่ง เยีย บัว โต่ว นิ่น เญย หว่า ขวิน เม่ย บัว นอ. เยีย บัว เถง กี​ตู่ โท้! เม่ย บัว เหธา ทิน-ฮู่ง หอบ เฮญี้ยว.

กี​ตู่ เหว่ย หฒวัง เมี่ยน ไต่, ปุน เฒี่ยง เจี๊ยน เญย เมี่ยน ไม้ เฒ์ย เหว่ย นิ่น บัว กั้น เฒี่ยง. อ๋อย หฒุ เหว่ย กี​ตู่ เฒี่ยง, ต้ง เหว่ย นิ่น บัว ไต่, ทิน-ฮู่ง แอ๋ง ปุน นั่ง ต้าย วั้ว เต้า. ฮนั้ง หน่าย, ยั่ง น้าย เจี๋ย เยีย บัว ไม้ หฒิว ป้าม เมี่ยน ฮนั้ม ธ้วด ต้าย เญย หฒะเอ๋ย สัม หาย เต้า. ไม้ กุ๊น ฒิ่น ด่าง เยีย บัว หล่ง ป้าม เมี่ยน เญย หฒะเอ๋ย สัม กี​ตู่, อี้ หฒั่น เยีย บัว ไม้ ฮนั้ง น้าย นอ โหฒว อ๊ะ.

กี​ตู่ ม่าย ฮนั้ม เมี่ยน เญย เฮญี้ยว. น้าย หญู่ง เฮญี้ยว ฯฒฯ กุ๊น เยีย บัว, เหว่ย หฒุ เยีย บัว ฮิ้ว ตี่ง, เหยียด เต้า เมี่ยน เหว่ย หฒวัง เมี่ยน ไต่, หฒวัง เมี่ยน ฯฒฯ ไต่ หมี่ อ๊ะ.