Gewilde Bybelverse vanaf 2 โค​ลิน​โท 1

Deel

บัว อ๋อย หฒุ เธง บัว เญย เฒี้ยว เย​ซู กี​ตู่ เญย เตีย, ทิน-ฮู่ง, ต้ง ค้อ-เลี่ยน เมี่ยน เญย หฒั่ง เตี๋ย, หย่า หฒั่นๆ ออน บัว เญย เฮญี้ยว เญย ทิน-ฮู่ง. บัว ม่าย หญู่งๆ ขวน น่าน, นิ่น ออน บัว เญย เฮญี้ยว, เหว่ย ปุน บัว แอ๋ง ไฮ่ ออน ปวั้ง หฒุ หาย หญู่ง ขวน น่าน เญย เมี่ยน เญย เฮญี้ยว. ทิน-ฮู่ง ฮนั้ง หาย นอ ออน บัว เญย เฮญี้ยว, บัว หย่า ฮนั้ง วั้ว นอ ไฮ่ ออน เมี่ยน เญย เฮญี้ยว.

บัว ฮนั้ง หาย นอ เหธา กี​ตู่ ม่าย ป่วน เสี่ยว โค้ว ธั้ม, บัว หย่า ฮนั้ง วั้ว นอ เขา กี​ตู่ ตุ๊ ทิน-ฮู่ง ออน เฮญี้ยว ธั้ม.

เยีย บัว เยียม เฮญี้ยว ไฮ์ ฮนั้ง หฒุ ตี่ง ไต๋ ไต่, มป่า น้าย เซ เหว่ย ปุน เยีย บัว ไม้ เขา เยีย บัว กั้น. เซ ปุน เยีย บัว ขูง เขา ทิน-ฮู่ง, ต้ง ไฮ่ ปุน ไต่ มี่ง เญย เมี่ยน นั่ง ต้าย วั้ว เต้า.

ทิน-ฮู่ง กั้น ปุน เยีย บัว เหธา เจี๊ยน เม่ย บัว ฮิ้ว ตี่ง บัว เหธา กี​ตู่ จวั่ง แหม่ง เฒี่ยง. นิ่น พ้าย เยีย บัว, หย่า ฆ้าบ เจี๊ยน เหยียน, ปุน ธีง บัว โหฒว นิ่น เญย เมี่ยน. นิ่น หย่า ปุน สีง ลี่ง เยียม บัว เญย เฮญี้ยว โหฒว ตี่ง-ฒิ่น เปว เจี๊ยน ฆะฮ้า อ๋อย ตุ๊ เญย หญู่งๆ.

สี ก๊อง เยีย บัว เสี่ยว โค้ว, เซ เหว่ย ปุน เม่ย บัว ตุ๊ ออน เฮญี้ยว หย่า ตุ๊ เหฌียว. สี ก๊อง ทิน-ฮู่ง ออน เยีย บัว เญย เฮญี้ยว, เซ เหว่ย ปุน เม่ย บัว ตุ๊ ออน เฮญี้ยว, หย่า เถง เม่ย บัว ม่าย หน่อย เตี๊ย ตุ๊ โค้ว, ฮนั้ง เยีย บัว เตี๊ย ตุ๊ โค้ว นอ.