Gewilde Bybelverse vanaf Marcos 13

Deel

Ug dumtan kamo sa tanang tawo tungod kanako apan kadtong molahutay hangtod sa kataposan maluwas gayod.

Busa pagbantay ug pagtukaw kamo kay wala kamo masayod kanus-a kini moabot.

Ug sa panahon nga dakpon kamo nila ug dad-on ngadto sa hukmanan, ayaw kamo kabalaka kon unsay angay ninyong isulti nianang higayona. Isulti ang angay ninyong isulti kay ang mga pulong nga inyong isulti dili man inyo kondili iya sa Espiritu Santo.

Ang langit ug ang yuta matapos apan ang akong pulong dili gayod mapakyas.

“Apan walay nasayod kanus-a moabot kadtong adlawa o taknaa, bisan ang mga anghel sa langit, bisan gani ang Anak. Ang Amahan lamang maoy nasayod niini.

Ug ayaw kamo kahadlok inigkadungog ninyo ug mga balita mahitungod sa mga gubat sa duol ug sa layong mga dapit. Mahitabo gayod kining mga butanga apan dili pa kini mao ang kataposan.

Busa pagtukaw kamo kay wala ninyo hibaloi kanus-a ang agalon mopauli—sa hapon ba, sa tungang gabii ba, sa dili pa ang kaadlawon o sa buntag ba hinuon. Kon mokalit siya pag-abot, kinahanglan nga dili kamo niya hiabtan nga nangatulog! Ang gisulti ko kaninyo gisulti ko usab sa tanan. Busa pagbantay kamo!”

Makiggubat ang usa ka nasod batok sa laing nasod ug ang usa ka gingharian batok sa laing gingharian. Maglinog sa nagkalainlaing dapit ug may kagutom usab. Apan kining mga butanga sinugdanan pa lamang sama sa unang mga kasakit sa pagpanganak.

Apan kinahanglan iwali una ang Maayong Balita ngadto sa tanang katawhan.

Kay daghang moanhi nga magdala sa akong ngalan ug mag-ingon, ‘Ako mao ang Mesiyas!’ ug daghan ang malimbongan.

“Busa pagbantay kamo kay panakpon kamo sa mga tawo ug dad-on ngadto sa hukmanan. Pamunalan kamo sulod sa mga sinagoga ug moatubang kamo sa mga pangulo ug sa mga hari tungod kanako aron pagsulti kanila sa Maayong Balita.

May motungha nga mga mini nga Mesiyas ug mga mini nga propeta. Maghimo silag mga milagro ug mga katingalahan aron kon mahimo, pasalaagon usab nila ang mga pinili sa Dios.

“Sa panahon unya human sa kasakitan, mongitngit ang adlaw ug dili na modan-ag ang bulan. Mangahulog gikan sa langit ang mga bituon ug matay-og ang tibuok kalangitan.