Gewilde Bybelverse vanaf 2 Cronicas 20

Deel

Ug miingon siya, “Pamati kamo, katawhan sa Juda ug mga taga-Jerusalem, ug ikaw, talahurong hari. Nag-ingon ang GINOO nga dili kamo angay malisang ug maluya tungod sa kadako sa panon sa kaaway nga misulong kaninyo kay ang gubat dili inyo kondili iya sa Dios.

Dili kinahanglang makiggubat kamo kanila. Pabilin kamo sa inyong nahimutangan ug paghilom aron masaksihan ninyo ang kadaogan nga himoon sa GINOO alang kaninyo. Ayaw kamo kahadlok. Ugma dasdas kamo kanila ug ubanan kamo sa GINOO.”

O Dios, dili mo ba diay sila silotan? Wala kami mahimo batok niining dakong panon sa katawhan nga misulong kanamo. Wala kami masayod kon unsay angay namong buhaton apan misalig kami kanimo.”

Human siya makigsabot sa katawhan, nagpili siyag mga tawo aron maoy mag-awit alang sa GINOO nga magsul-ob ug sagradong bisti. Samtang nag-una sila sa kasundalohan, mao kini ang ilang giawit: “Pasalamati ninyo ang GINOO kay ang iyang gugma molungtad hangtod sa kahangtoran.”

Sa dihang nagsugod na sila pag-awit ug pagdayeg sa GINOO, gilibog sa GINOO ang kasundalohan sa Ammon, sa Moab ug sa Edomea nga misulong sa Juda ug naparot sila.

Nalisang si Josafat ug midangop siya sa GINOO. Gimandoan niya ang tibuok Juda sa pagpuasa.

‘Kon moabot kanamo ang kadaot, ang gubat, ang silot, kamatay o gutom, moanhi kami dinhi sa Templo kay ania man dinhi ang imong presensya. Motuaw kami kanimo sa panahon nga magkalisodlisod kami ug imo kaming tubagon ug luwason.’

Ugma dasdas kamo kanila inigtungas nila sa Sis. Inyo silang makit-an sa daplin sa walog sa sidlakang dapit sa kamingawan sa Jeruel.

Busa ang katawhan sa Juda nagtigom aron sa pagpakitabang sa GINOO. Ang katawhan gikan sa tanang siyudad sa Juda miadto sa Jerusalem sa pagpangaliyupo sa GINOO.