Gewilde Bybelverse vanaf ಮತ್ತಾಯ 12

Deel

ಮನುಷ್ಯ ಪರಿಯುವ ಓರೋರ್ ಪ್ರಯೋಜನ ಇಲ್ಲತ ತಕ್ಕ್‌ಕೂ ದೇವ ತೀರ್ಪ್ ಮಾಡ್‌ವ ದಿವಸತ್‍ಲ್ ಲೆಕ್ಕ ಕೊಡ್‍ಕಂಡೂಂದ್ ನಾನ್ ನಿಂಗಕ್ ಎಣ್ಣ್‌ವಿ. ಎನ್ನಂಗೆಣ್ಣ್‌ಚೇಂಗಿ, ನೀಡ ತಕ್ಕ್‌ಯಿಂಜಲೇ ನೀನ್ ನೀತಿವಂತಂವೋಂದ್ ಅಥವ ತಪ್ಪ್ ಮಾಡ್‍ನಂವೋಂದ್ ತೀರ್ಪ್ ಮಾಡ್‌ವಾಂದ್ ಯೇಸು ಎಣ್ಣ್‌ಚಿ.

ಬಳೆಮುರಿ ಪಾಂಬ್ ಜಾತಿಯಳೇ, ನಿಂಗ ಕೆಟ್ಟಯಿಂಗಳಾಯಿತ್‌ಪ್ಪಕ ನಲ್ಲ ವಿಷಯತ್‍ನ ಎನ್ನನೆ ಎಣ್ಣ್‌ವಿರ? ಎನ್ನಂಗೆಣ್ಣ್‌ಚೇಂಗಿ, ಹೃದಯತ್‍ಲ್ ಎಂತ ದುಂಬಿತುಂಡೋ, ಅದೇ ನಿಂಗಡ ಬಾಯಿಲ್ ಪರಿವಿರ.

ಒರ್ ನಲ್ಲ ಮನುಷ್ಯ ತಾಂಡ ನಲ್ಲ ಹೃದಯತ್‍ಲ್ ಕೂಟಿ ಬೆಚ್ಚಿತುಳ್ಳ ಬಂಡಾರತ್‍ಂಜ, ನಲ್ಲ ವಿಷಯತ್‍ನ ಎಡ್‌ತ್‌ ಕಾಟ್‍ವ, ಕೆಟ್ಟ ಮನುಷ್ಯ ಅಂವೊಂಡ ಕೆಟ್ಟ ಹೃದಯತ್‍ಲ್ ಕೂಟಿ ಬೆಚ್ಚಿತುಳ್ಳ ಬಂಡಾರತ್‍ಂಜ ಕೆಟ್ಟದ್‍ನ ಪರಿವ.

ಆನಗುಂಡ್, ನಾನ್ ನಿಂಗಕ್ ಎಣ್ಣ್‌ವಿ: ಮನುಷ್ಯ ಮಾಡ್‌ವ ಎಲ್ಲಾ ಪಾಪಕು, ದೂಷಣೆಕು ಮನ್ನಿಪ್ಪ್ ಉಂಡ್, ಆಚೇಂಗಿ ಪವಿತ್ರಾತ್ಮಕ್ ವಿರೋದವಾಯಿತ್ ಮಾಡ್‌ವ ದೂಷಣೆಕ್ ಮನ್ನಿಪ್ ಕ್‍ಟ್ಟುಲೆ.

ನಲ್ಲ ಮರವಾಯಿತ್ಂಜತೇಂಗಿ ಅದ್ಂಡ ಪಣ್ಣ್ ನಲ್ಲದಾಯಿತ್‌ಪ್ಪ, ಮರ ಕೆಟ್ಟದಾಯಿತ್ಂಜತೇಂಗಿ ಅದ್ಂಡ ಪಣ್ಣ್ ಕೆಟ್ಟದಾಯಿತ್‌ಪ್ಪ; ಮರ ಎಂತದ್‍ೕಂದ್, ಅದ್ಂಡ ಪಣ್ಣ್‌ಯಿಂಜ ಗೊತ್ತಾಪ.