Gewilde Bybelverse vanaf 1 Petulo 4

Deel

Ukulutila mbesili mwiyendage kwa mutima gumwi, pakuva uwende wawigubika inzanangifu mbesili.

Yeyeavesaga mumo lumuvaje akolage ikipelwa cheapelitwe na Nguluvi ukwimila ukwambula kwa avangi, ndawe umuvisikiswa umunofu va ifipelwa ifilipolofu fya Nguluvi.

Yeilonga lukani, ing'ani sakwe sivelage wita ing'ani sa Nguluvi, yeipigila lumuvaje apigilage muludali lweipelwa na Nguluvi, sambi mwa mbesili Nguluvi apelwa indolo ukukola kwa Yesu Kilisito, ye indolo na uludali fyakwe mbepali na mbepali! Ena.

Neke wone umunu ateseke pakuva mukilisito, sweno, aliwona nyoni, pesi amupelage indolo Nguluvi, pakuva umunu uyo itambulwa mwitawa lya Kilisito.

Umudugo wa mbefili yewuhegelye. Sweno luvavaje muvelage na imigosekese na ichoga, sambi muhwane ukwifunya.

Vanyawende vangu, mulasasavala ulwa ukugelwa kwa ukupugula kwemuhele mwigelwa wita wanda kinu kigenzi kikuvasila nyenye. Neke ulwene muhekelelage ukuta mwihanga ineseko sa Kilisito sambi muve na uluhekelelo lukomi ulusika pe indolo sakwe pesigubulwa.

Muvelage na uwudeke yinyenye kwa yinyenye wesimwihung'una.

Sweno, vala veviteseka ukugendela seiwenda Nguluvi, luvavaje ukukola ifipigo fyawo ifinofu, ukwivika pa lulagi lwa umugafi vawo yula ye uva ukwihuvilwa hilo.

Pakuva Kilisito atesiike umuvili, nayi nyenye kangi luvavaje mukangalage mwikola ing'asi yiyo iyakwe; pakuva umunu peyeeatesike umuvili siivelagi kangi munzanangifu. Uluhuma lino, imikalile igivasigalye umu mung'i givagilwa ukusogoswa na seiwenda Nguluvi, si muwudobokesi wa uwunu.

Muvinomi nyenye wone mwiligwa ukwimila litawa lya Kilisito; ulukani ulo lwilagila ukuta Umuhe va indolo, tutigile Umuhe va Nguluvi akwikala mwanyenye.