Gewilde Bybelverse vanaf Məco 2

Bə yí bə zù kɛ̀lɛ́ wa, bə nə bə̀sɔ́bwɛ̀lɛ́ y ǹdə́ è ná Marɛ, bə tu bə̀ nə̀dwə́nə́ yó, bə wùlì è yé né. Bə pul bə̀ zhĩĩ rí nyí ni, bə vùr pansɛ bə pa. È yʼà wɔ́ sánə́má ǹdə́ wẽ̀ rə̀ lwẽ́ nã́nyə̀nyɛ̀lɛ́, bə̀ nʼê byẽ̀ bə̀ ãsã́ ǹdə́ myííri.

Bə̀ lùl Yezu Bɛtələyɛm nɛ́, Zhide tənà y wa, pyɔ̌ Erɔɔdɛ pyɛ̀lɛ̀ rɛ́ yi ní. Rə̀myɛ́ kwã nɛ́, lwarna shí yi-pwírhí səta, bə bə̀ Zhərəzalɛm, bə̀ nʼê bwə̀rh bə̀ zhe: “Yẽ̀ Zhwifubá pyɔ̌ mɔ́ bə̀ lùl mó ŋwɛ́nɛ́ nɛ́? Nə́ nɔ ń cã̀mə́sɔ̌ w yi-pwírhí səta, nə́ zɛ̃̀ nə́ bàn mɔ̀ co.”

Bə̀ gə́ nɔ cã̀mə́sɔ̌ wá, bə̀ wun yàl nyɛ̀n dɛ̃´dɛ̃´.

Rə̀myɛ́ kwã nɛ́, Yi byili bi bə̀ dàrhà wẽ́, bə̀ bə̀ bə̀kʼa kʼe tó Erɔɔdɛ sono yé. Bə zɛ̃̀ bə kwè sɔ́má dõ bə vò jè. Lwarna bɛ́ gə́ kʼa kwɛ̃̀ bə zhɛ̀, Cinu màlɛ́ka zɛ̃̀ e bə̀ e lyí Zhozefu ń dàrhà wẽ́, e wɔ̀ mɔ̀: “Zɛ̃̀ ń zə bə̀sɔ́bwɛ̀lɛ́ y ǹdə́ è ná ń mə́ dùr ń vò Ezhibti, ń jòm gàà ń mə́ dɛ̃̀ à gə tú à pɔ mɔ́ nyí sə́ ká bà. Nyǐ Erɔɔdɛ nə́ ń yâl n ce bə pyà bə̀sɔ́bwɛ̀lɛ́ y bə gu.”