Gewilde Bybelverse vanaf ፓይዲ ማፃኣፔ 21

Deel

ዒማና ናንጊና ናንጋ ጎዳ ሙሴም፦ «ሞኦና ዓንጊና ፔቴ ሾኦሺ ኮሺ፥ ሚሢዳ ኬሲ ሱፄ፤ ሾኦዦና ዻይንታ ዓሳ ቢያ ዬያ ዛጋዖ ዻቃንዳኔ» ጌዔኔ።

ዬያሮ ሙሴ ሞኦኖ ዓንጎና ሾኦሺ ኮሺ፥ ሚሢዳ ሱፃዛ ሾኦዦና ዻይንቴ ዓሳ ቢያ ዬያ ሞኦኖ ዓንጎ ሾኦዣሢ ዛጋዖ ዻቄኔ።

ዬያሮ ዔያታ ፆኦሲና ሙሴናይዳ፦ «ሙኡዚንታ ዋኣሢንታ ባኣ፥ ሃያ ዓሲ ናንጉዋ ዳውላ ኑ ሃይቃንዳጉዲ ጊብፄ ዓጫፓ ዒንሢ ኑና ዓይጋ ዔኪ ኬሴይ? ሃኖ ዒሣ ሙዔሎ ዑፃ ኑኡኮ ሼናዼኔ!» ጌይ ፑርታ ዑኡሲ ኬሲ ጉንዱሜኔ።

ዬካፓ ናንጊና ናንጋ ጎዳ ፑርታ፥ ዻይ ዎዎዻ ሾኦሺ ዴሮ ባኣኮ ዳኬሢሮ ሚርጌ ዒስራዔኤሌ ዓሲ ዻይንቲ ሃይቄኔ።

ዬያሮ ዴራ ሙሴ ኮይላ ሙኪ፦ «ናንጊና ናንጋ ጎዳ ዑፃ፤ ጊንሣ ሃሣ ኔ ዑፃ ፑርታ ባኣዚ ኑ ጌስቲፆና ዻቤኔ፤ ሃሢ ሃይ ዻዓ ሾኦዣ ባይቃንዳጉዲ ናንጊና ናንጋ ጎዳ ኑም ሺኢቄ» ጋዓዛ፥ ሙሴ ዴሮ ዛሎ ሺኢቄኔ።