Gewilde Bybelverse vanaf Aba Loma 5

Deel

Loli u Chala atulanjizya namumo atughaniye aswe pakuti u Kilisitu akatufwila bo tuchili twe bambibi.

Ulusubilo ulu lutakutukozya isoni, pachifukwa ichakuti u Chala pakwendela mu Muzimu Umuzelu, yuyo akatupa, akizuzya amoyo ghitu nu lughano lwache.

Loli ukuchilapo pazinizi, zagha tusekelaye sona pachifukwa icha mayimba ghitu pakuti tuzimenye ukuti amayimba ghakumumanyisya umuntu pakuba mufisalyoyo, ubufisalyoyo bukumumanyisya umuntu pakuba ni nkalo inyiza, sona inkalo inyiza yikumumanyisya umuntu pakuba nu lusubilo.

Ilelo pakuti twaneniwa ukuti twe bantu bagholosu pamaso pa Chala ukwendela mu lwitiko, tuli nu mutende nu Chala ukwendela mwa Yesu Kilisitu u Mwene witu. Ukwendela mumwache atwighulila izila ukwendela mu lwitiko ukuti tuchimanye ichisa icha Chala, chicho tuli nacho losi ulu. Po zagha tusekelaye, bo tukulindilila ukugabana nabo ubuchindamu ubwa Chala.

Bo tuchili tuli badedebazu, u Kilisitu akabafwila abantu ababibi pakabalilo akiza kako u Chala umwenecho akakasala.

Pakuti ukwendela mwibanda lyache, twaneniwa ukuti twe bantu bagholosu pamaso pa Chala. Po naloli tukwiza pakupona u bukali ubwa Chala ukwendela mumwache.

Pakuti ukuyana namumo abantu abinji bakabila bambibi pachifukwa ichakusita kwivwila ukwa muntu weka, umwakuyana bulo, abantu abinji bakwiza pakuneniwa ukuti bagholosu pamaso pa Chala pachifukwa icha kwivwila ukwa muntu weka.

Loli ukuchilapo pazinizi, tukusekela pachifukwa icha zizyo u Chala abomba ukwendela mwa Mwene witu u Yesu Kilisitu, yuyo ilelo atusayannya aswe nu Chala.