Gewilde Bybelverse vanaf Yohani 13

Deel

Po losi ulu nkubapa ilamulo ilipya ilyakuti mughananaye mwebene. Mughananaye, ukuyana namumo nkabaghanila. Nanti mukughanana, po abantu bosi bakwiza pakumanya ukuti mwe bamanyili bane.”

Po nanti ane, u Mwene nu Mumanyisi winyu nabasukuzya inyayo zyinyu, namwe bulo mubaghiye pakusukuzannya inyayo zyinyu. Nabapa ichifwanikizyo ukuti namwe bulo mubombaye ukuyana namumo nababombela.

U Yesu akamula akati, “Pakabalilo aka utangachivwisya chicho nkubomba, loli ukwiza pakuchivwisya muntazi.”

Naloli nkubabuzya ukuti umuzya atakubapo nalumolumo wapamwanya ukumuchila u mwene wache, awe, sona umutumiwa atakubapo nalumolumo uwapamwanya ukumuchila yuyo akamutuma.

Pakuti ilelo muzimenye zinizi, mwe basayiwa nanti mukuzibomba.

U Yesu akimilila po bakalyelagha, akavula inkazo yache nukuyibika palubazu, akapinya umwenda mumusana wache. Po akapungulila amizi musonta nukwanda pakusukuzya inyayo izya bamanyili bache nukuzipuputa nu mwenda ghugho akapinyilila mumusana wache.