Gewilde Bybelverse vanaf دَرگوَز 4

Deel

هُداوندا گوَشت: ”بنی‌آدمئے دپ کئیا جۆڑ کرتگ؟ کئے اِنسانا گُنگ و کَرَّ کنت؟ کئے اِنسانا چَم‌پَچ و کۆرَ کنت؟ منِ هُداوند نه‌اِنت؟ نون برئو، من ترا سۆجَ دئیان که ترا چے گوَشگی اِنت. دپ تئییگَ بیت و گپّ منیگَ بنت.“

موسّایا گۆن هُداوندا گوَشت: ”او منی هُداوند! من هبرزانتے نه‌آن، نه پێسرا بوتگان و نه انّون هبرزانتے آن. اے ساهتا هم که تئو گۆن وتی کَستِرا هبرا ائے، منی زبان و بئیان کُنٹ اِنت.“

هُداوند موسّائے سرا زهر گپت و گوَشتی: ”هارون تئیی برات نه‌اِنت، لاوی کَبیلهئے هارون؟ منَ زانان که هبرزانتے. بچار، آ انّون تئیی گِندُکا پێداک اِنت و چه تئیی گِندَگا دلی وشَّ بیت.