Gewilde Bybelverse vanaf 2King 2

Deel

Navong lurokol usi oaisal, Ilaetsa viteni min Elisa vit, “Hervitei tuetin, Ahi hekulat nau nilokoveinuk. Sakini helamu, hetahos keik kihiten asa em vati moumoni minuk.” Elisa vit kesi mini vit, “Ek vati kovasan tei keihoen onom minau helin provet sav keil keke nikesuk nikur vulum.”

Ka navong keilu lumul luselus ka lumual luva, hatte tas, ahang tai ka nesa suval kat koa hos lehei. Muloh luhu en keilu ka kat koanek kur Ilaetsa va en out nesa en eang tai koa karali.

Ka Ilaetsa viteni mini vit, “Asa komul kovis inau eni vi tounah koa keih keke masani. Ka munak Ahi hemaenuk kiles sise koa hekulat nau nilokoveinuk eni, keik kikur asa koa kovisi. Ka munak kirlestei nau navong nilokoveinuk, keik kirkurtei.”

Sakini, vuli kat kot enek ka viteni vit, “?!Iahova, Ahi onen Ilaetsa, koro venau vuo!?” Evus, muas oaisal en kot enek, ka oai maseh va en usite keilu. Sakini, Elisa mual kotehei va ris en usite.

Navong Elisa lesi, kei vis keih va min Ilaetsa vit, “!Ilaetsa, tata onak eli! !O tata onak eli! Keik koa kolei kokoe en komai, me-Isrel keil, ral keihoen onom koa mulin hos ka kat keil tavaeen, kosa kolokovein komai.” Ka navong Elisa rolestei mun, rangisi ka rali vas eisin omon.

Evus, Ilaetsa kulat kot omon, lum kati, ka muas oaisal eni. Navong muasi mukok, oai maseh elu. Sakini, keilu lumu koteh oai en atan tames, luva en usite.

En avong tai, provet Ilaetsa ka Elisa lulokovein taon ten out Kilkal ka lumul lumusil sise luva.