Gewilde Bybelverse vanaf Matie 2

Deel

Má luɛi cɛinin, má ca cɛlɛkpɔɔ nda Mari kala ndɔ, má baŋ vulan, má biilu ndu. O kon kɔɔli, má kumbi volɔɔla ndalan, má ke ndu ɲɛm ndáà yoo ndu-on: sianion, ansan a mir.

O paale Herɔde len Yeesu velun Bɛtlɛhɛm o tàndá Yuda-o nin ni. Mí vanaa kɔlkalua sina loeon kɔlɔɔ-a can a ba paalen le can-ndo, má tiiya Yerusalɛm, má ɲuna aa: «Kuɛɛ masa Yuifia co yɛ, o langa volun-ndo pɛɛn? Kani n lo a ba paalen le can-ndo, mí n ca loei ndɔɛi. Le ndu biiloo naa n hin ni.»

Ndáà cɔu mí loei sim, má dɔawnun ɲaale taw.

O kon kɔɔli, mí Hala dimul nda o lɔma sɔlaan nin maa a muungu lɛ Herɔde o ibuŋ te. Le hee, má keinun a nɛi celen, má muungun o lɛŋnde ndalen nin. Vanaa kɔlkalua kɔnndan, mí mɛlɛkanɔ Hala-o cɔmnun Yosɛf o lɔma sɔlaan nin, mó dimul ndu aa: «Cɔn ma cua cɛlɛkpɔɔ nda kala ndɔ, mì la ɲaanun o lɛŋnde Esipte len nin. La kɔ lo lon háá telen ya dimulnin nɔm le muungoo-o, kani Herɔde nuwviaanin cɛlɛkpɔɔ ho le ndu diyɔɔ.»