Gewilde Bybelverse vanaf Gɔwɔ tɔɔi 28

Deel

Gáá ə́ pɔ, gɛ́ ə́ mąąkpɛ, ɓɛi lɔpee yá li laa, ŋą́ pənə ŋą́ pa a yɛ́ ɓɛ nɔi. Və́ pai gíli kulɔi ə́ hu, mɛ̨nįɠaa kpɔ ŋą́ mo yɛ́, ŋą́ gəlee pɔ mɛ̨nį kɛ.»

Nąąlɔwai, Yai-Laa ə kɛ tɔɔni gwɛlɛ, yɛ mą: «Ɲą́ą́ gáá a Yai-Laa, ə́ nąn Abrahamə nwɔ Yálá da Isaakə nwɔ Yálá. Nɔi ŋɛ̨i ə́ kaa laani mɛ̨i, gáá pai dɛɛi ə́ pɔ, ka ə́ huwu.

Ɉakɔbə ə ɲɛ̨ilaa ɓo, yɛ diɛ: «É! A mɛ̨nįgɛ ɓɛ ɓə Yai-Laa kaa laa, gíli hvo kɛ ɉu!»

Ɉakɔbə ə nwoo kwɛlɛ Yálá ɓa, yɛ mą: Yai-Laa a lɛɛ bɔ́ nwɔ́ hiɛ ŋɛ̨i hu, ə mą́ą́kpɛ, ə gɔ̨nɔ̨n gɛ, ə mąąhəɠə kɛ, ŋį́ búlu pənə ŋį́ pa ną́n ɲəi bɛlɛ́n, a gɔ́lɔi pɔ̨nɔ̨ɔ̨, Yai-Laa a kɛ a nwɔ́ Yálá. Gwɛni ŋɛ̨i ŋą́ dɔɔ ɓɛ, gaa pai kɛi a Yálá nwɔ pɛlɛ́, hɛn kpɔ Yálá a hvaa mą ŋą́ ɉɔlɔɓo, ŋą́ bow nąą tɛɛ bɔ.

Ə́ huwu kaa pai tamąi yɛ muluun gbala. Ə́ huwu a ɓɛlɛ yɛnɛ̨ɛ̨ nąą kəlee. Yɛ́ ka ə́ huwu ka haalai ɓə, gáá pai lúwɔ́ tooi la yɛnɛ̨ɛ̨ nuą kəlee diɛ.

Ɉakɔbə ə gɛɛnąąi tii laa hee a Betɛlə. Mukulaa ɓaa: Yálá nwɔ pɛlɛ́. Tɔlɔɔ, gɛɛnąąi tii laa ɓaa kɛ Luzə.