Gewilde Bybelverse vanaf MARKA 12

Deel

Jisu bokhe thiphin ba, Khrip tha muima jadao thaoyaba de ebo se: O Israelrao, khna lah, Gabra jini Madai de Gabra masi se ning. Ning nini khah muh jang, nini bese jang, nini khahsu jang, nini raothai jang, nini Gabra Madai khe hamjao ma nang du. Boni yaohonha de, ning jarkhe hamjao ba lai ning, nini noharirao khebo hamjao lah. Ebo thane grao riyaba dedaohi gibin giri kha.

Jisu boni yaohon rikphayarao khe longthim hi thi ba, Ang nisikhe thi du, khrip thane ebo banjik dukhisa bangdao hi dangsing kha. Bede thikhade gibin subung buthu de, bonsi niha gabang dongyaba ni phrang se ri ba. Thikhabo bode dukhisa jakhabo, thanghi dongmane boniha dongyaba si khe rithar ba.

Odehe, Jisu Madai khoh ha rang dengyaba khaojeb gabasi ha khamba ha subung buthu oraha khrangphain riba khe bo nuba. Gnangrao gabang khrangphain ri ba. Boha, banjik dukhisa saosi phaihi paisa magin dangsing ba.

Odebani subung de Madai khe khah jang muh jang, khahsu jang, raothai jang, hamjao ma nang re. Ode jar khe hamjao ba lai ning jarni noharirao khebo hamjao ma nang du. Daomi jang gibin gibin dara jang Madai huba thane ebo dara magin khe mani ba nangdaothao.

Odebani Jisu bonsi khe thiphin ba, Olei jakha de, Kaisarni khede Kaisar ne ri lah, ar Madaini khe Madai ne ri lah. Ar bonsi Jisukhe hamsi ning gmang kha.