Tsheo Khulwanesa Vhutshuiloni havho!预览

U Tshidzwa: Tshipiḓa tsha Mudzimu na Tshipiḓa tshaṋu

U tshidzwa haṋu hu ṱanganya tsheo mbili dza ndeme. Tsheo ya u thoma ndi ye Mudzimu a i dzhia kale ya u rumela Murwa wawe shangoni uri a vhe Mutshidzi washu muthihi fhedzi. Ya vhuvhili ndi tsheo yaṋu ya u ṱanganedza Murwa wawe sa Mutshidzi WAṊU.

“Ngauri no tshidzwa nga tshilidzi nga lutendo hu si nga inwi vhaṋe, ndi tshifhiwa tsha Mudzimu - hu si nga mishumo, uri hu si vhe na ane a nga ḓihudza.” Vhaefesa 2:8-9

TSHILIDZI tshi ṱalutshedzwa sa vhuthu vhu songo fanelaho kana vhu songo shumelwaho. Tshilidzi ndi tshipiḓa tsha Mudzimu kha u tshidzwa, nahone u ṋetshedza vhuthu hawe kha vhathu nga tshivhumbeo tsha tshifhiwa tsho fhelelaho, Yesu Khristo. Nga u fa kha tshifhambano, Yesu o badela mbadelo yo fhelelaho ya mulifho wa zwivhi zwashu. Nahone nga Yesu, tshilidzi tsha Mudzimu tsho ṱanḓavhudzwaho, a hu na mishumo mivhuya ine ya ṱoḓea kha riṋe, kana ine ya riṋe ra nga kona u i badela. Ri nga si kone u ḓiwanela u tshidzwa hashu; ndi tshifhiwa tsha mahala tshine tsha ṋewa vhoṱhe, a tshi ṱoḓi uri ri badele.

LUTENDO lu ṱalutshedzwa sa vhuṱanzi ha uri tshiṅwe tshithu tshi hone naho tshi sa koni u vhonwa kana u kwamiwa lwa ṋama. Lutendo lu a ṱoḓea kha tshipiḓa tsha vhuḓifhinduleli hashu kha u tshidzwa, nahone nga lutendo, sa nyito ya lufuno lwashu, ri nanga u ṋekedza vhutshilo hashu kha Mudzimu nga u ita Yesu Murena wa vhutshilo hashu. Samusi vho wana tshilidzi tsha Mudzimu nga lutendo kha Yesu Khristo, a zwi timatimisi na luthihi uri no vhetshelwa vhutshilo vhu sa fheli na Mudzimu ṱaḓulu. Izwi zwi na vhuṱanzi ha 100%!

Naho mishumo yavhuḓi i sa koni u ri ḓisela u tshidzawa, i na mushumo wa ndeme kha u tshila vhutshilo hashu ha Vhukriste nga murahu ha musi ro no ṱanganedza Yesu.

“Ngauri ri vhavhumbiwa vha Mudzimu, ro sikwa kha Khristo Yesu uri ri ite mishumo mivhuya ye Mudzimu a ri lugiselela hu tshee nga phanḓa uri ri i ite.” Vhaefesa 2:10

Mudzimu u na ndivho yo khetheaho kha vhutshilo ha muṅwe na muṅwe washu, ine zwidodombedzwa zwa hone vhunzhi hazwo zwa vha vhukati havho na Ene. Fhedzi Mudzimu u na ndivho nthihi i fanaho kha vhana vhawe vhoṱhe, nahone ndi zwone zwi itaho uri ri shumise lutendo lwashu nga u ita mishumo mivhuya. Musi ri tshi ita nga u ralo, ri ḓadzisa tshipiḓa tsha ndeme tsha pulane ya Mudzimu ya vhutshilo hashu, nahone ri vha na pfhanelo ya u vhonetshela lufuno lwawe kha vhaṅwe. U tshidzwa ndi mathomo maswa na magumo nahone ndi tshiitisi tsha u pembelela. Vha tshivhumbiwa tshiswa, vho shandukiswaho lwa tshoṱhe!