Tsheo Khulwanesa Vhutshuiloni havho!预览

Mudzimu vha vha tendele u dzhena Ṱaḓulu?

Kha vha tou humbula lwa tshifhinganyana arali tshifhinga tshavho fhano ḽifhasini tsho vha tsho swika fhela vha songo lavhelela. Nga u mangala huhulwane, vha ḓiwana no ima phanḓa ha Musiki wavho. Musi u hanganea na u ofha havho zwi tshi shanduka zwa vha ndavhelelo na dakalo ḽa u fhedzisela vho vhona haya havho ha tshoṱhe, vha imiswa nga u ṱavhanya vha sa athu dzhena. Mudzimu vha vha vhudzisa mbudziso i dzhenelelaho, “Ndi ngani ndi tshi fanela u ni tendela u dzhena ṱaḓulu?”

Vho vha vha tshi ḓo fhindulisa hani?

Ri livhuwa uri musi ḽeneḽo ḓuvha ḽavhuḓi ḽihulwane ḽi tshi swika kha muṅwe na muṅwe washu, Mudzimu ha nga ḓo ri humbela uri ri thome ri phase ndingo ri sa athu dzhena. Naho zwo ralo, hu sumbedzwa tshifanyiso tsha ndeme, tshi ṱuṱulaho muhumbulo tshi ri thusa u pfhesesa tshivhidzelwa khwine.

Vhaṅwe vha nga fhindula mbudziso ya Mudzimu nga u amba nga zwithu zwavhuḓi zwe vha zwi ita. Vhaṅwe vha nga ṱalusa u ya havho kerekeni nga u fulufhedzea, ngeno vhaṅwe vha tshi nga ṅwala mutevhe wa zwithu zwoṱhe zwivhi vhutshiloni zwe vha ḓiiledza zwone. Naho izwi zwithu zwi zwa ndeme vhutshiloni ha Mukriste muṅwe na muṅwe, a zwi khwaṱhisedzi u tshidzwa. Hu na phindulo nthihi fhedzi yo teaho heyi mbudziso:

“Ndo ita Yesu Khristo Murena wa vhutshilo hanga, nahone o nṱanzwa zwivhi zwanga zwoṱhe.”