Tsheo Khulwanesa Vhutshuiloni havho!预览

Roṱhe Ri Ṱoḓa Mutshidzi

Musi Mudzimu a tshi sika Adamu na Eva, O vha sika vha si na tshivhi nahone vhe na vhushaka havhuḓisa nae. Musi vha tshi nyadza ndaela ya Mudzimu kha ndima ya vhuraru ya Genesi, vho ḓisa tshivhi vhutshiloni havho, na kha lushaka lwoṱhe lwa vhathu. Vharoma 3:23 i ṱalutshedza masiandaitwa a tsheo ya Adamu na Eva.

“… ngauri vhoṱhe vho tshinya, vha ṱahela vhugala ha Mudzimu.” Vharoma 3:23

A hu na muthu ane a nga si ite tshivhi na mvelelo dzatsho; muṅwe na muṅwe washu u na mulandu. Nga ṅwambo wa zwenezwo, roṱhe ro fhandekana na Mudzimu. Tshivhi tshashu tshi dovha tsha bveledza masiandoitwa a sa fheli.

“Ngauri malamba a tshivhi ndi lufu.” Vharoma 6:23a

Nga ṅwambo wa tsho ya Adamu na Eva yanyadza Mudzimu, lufu lwo vha lu sa ponyokei khavho na kha maḓadzwane avho oṱhe (lushaka lwa vhathu); ṋamani na muyani. Nga murahu ha u kundelwa havho, Mudzimu o vha o livhana na tsheo: u tendela tshivhi tshi tshi tshimbila na vhathu, zwa ita uri lushaka lwa vhathu lu fheliswe, kana u ṋea nḓila ya u tshidza vhathu kha u batiwa nga tshivhi. Ri livhuwa uri zwe a fhedza o zwi sumbedza ho vha lufuno Lwawe na tshilidzi Tshawe, Mudzimu o ṋea nḓila ya u tshidzwa nga Murwa wawe.

“Ngauri Mudzimu o funa shango zwihulu-hulu, a vhuya a kumedza Murwa wawe muthihi fhedzi, uri vhoṱhe vha mu tendaho vha si lovhe, fhedzi vha vhe na vhutshilo vhu sa fheli.” Yohane 3:16

“…tshifhiwa tsha Mudzimu ndi vhutshilo vhu sa fheli nga Yesu Khristo Murena washu.” Vharoma 6:23b

Nga nnḓa ha Yesu Khristo, vhathu vho vhetshelwa lufu lwa ṋama na lwa muya; a hu na tsaleli. Fhedzi kha riṋe vhane ra vha kha Khristo, lufu lwa ṋama lu tshe lwo ri lindela, fhedzi lufu lwa muya (Hele) a lu ngo ri lindela. Nṱhani hazwo, vhutshilo vhu sa fheli ha Ṱaḓulu ho ri lindela nga murahu ha musi ri tshi ṱuwa kha ḽino ḽifhasi. Nga tshiṱhavhelo tsho fhelelaho tsha Yesu Khristo na u vuwa hawe vhafuni, ri ponyoka tshigwevho tsha muya tsha tshivhi!