Kha vha Tshile Vhutshilo ho Ḓalaho Ndivho!预览

Khonani ya Vhakhriste

U ṋea ṱhuṱhuwedzo, lufuno na maanḓa kha vhaṅwe vhatendi ndi zwiṅwe zwa zwithu zwihulwane zwine ra zwi vhea phanḓa. Ngoho ndi ya uri ri a ṱoḓana. Ndi nḓila ye Mudzimu a zwi sika ngayo. Mudzimu ha ṱoḓi muthu a tshi “ḓiimisa nga eṱhe.”

“Nga ri ṱuṱuwedzane uri ri vhe na lufuno ri ite zwivhuya. Tshivhidzo tshi tshi kuvhangana ri vhe hone misi yoṱhe. Hafhu vhaṅwe vho no vha na dzema ḽa u sa ya. Ndi zwone, kha ri ṱuṱuwedzane u ya, zwihulu ni tshi vhona ḓuvha ḽa khaṱhulo ḽi tshi vho sendela.” Vhaheberu 10:24-25

Ngoho ndi ya uri u fhaṱa vhushaka na vhaṅwe Vhakhriste ndi zwa ndeme vhukuma kha nyaluwo yashu. Kanzhi Mudzimu u vhea “miṱangano mikhethwa” uri ri funze kana u ṱuṱuwedzana sa vhunga zwine ra nga zwi kona.

“Munwe muthihi a u ṱusi mathuthu; i mivhili i kona u shuma zwi vhonalaho. Muṅwe a wa, muṅwe u ḓo mu vusa, hone a re eṱhe a wa, hu na khombo, a hu na ane a mu vusa. Vhavhili vhá eḓela vhulaloni vhuthihi vha a dudedzana; u woṱhe u nga ḓidudedza hani? Muthihi a kovholwa tshawe ndi u shavha; vhavhili vha nga imedzana na swina; thambo yo lukwaho nga nnzi tharu a i sokou ṱhukhuwa.” Mufunzi 4:9-12

Maitele a u khwaṱhisa ni vhanzhi a a shuma na kha Vhakhriste, nahone u vha na vhushaka ho khwaṱhaho na vhatendi nga riṋe zwi ri thusa u aluwa kha u tshimbila hashu na Mudzimu!

Pulane ya Mudzimu kha u thoma kereke yapo yo vha i ya uri vha ṱangane na vhaṅwe vhatendi. Vha dzhelele nahone vha ḓiphine nga mbuelo dza u ṋea na u wana phaṱhutshedzo dzi bvaho kha vharathu/vhakomana na dzikhaladzi kha Kristo!